គ្រូពេទ្យកម្ពុជាទទួលការហ្វឹកហ្វឺនសង្គ្រោះបន្ទាន់ ពីបណ្តាគ្រូពេទ្យមកពីសហរដ្ឋអាម៉េរិក
ភ្នំពេញ៖ នៅថ្ងៃទី១៨ កុម្ភៈនេះ បណ្តា ក្រុមគ្រួពេទ្យកម្ពុជាប្រមាណ៧០នាក់មកពីខេត្តក្រុងនៃប្រទេស កម្ពុជាបានទទួលការហ្វឹកហ្វឺនសង្គ្រោះបន្ទាន់រយៈពេល៤ថ្ងៃពីបណ្តាគ្រូ ពេទ្យមកពីសហរដ្ឋអាម៉េរិក។
ថ្លែងនៅក្នុងពិធីបើកវគ្គ ហ្វឹកហ្វឺន រដ្ឋលេខាធិការក្រសួងសុខាភិបាលកម្ពុជា លោក ហេង តៃគ្រី បានមានប្រសាសន៍ថា វគ្គសិក្សានេះគឺមានសារៈសំខាន់ដល់គ្រូពេទ្យកម្ពុជា ក្នុងការមានចំណេះដឹងបន្ថែមពីរបៀបសង្គ្រោះបន្ទាន់ជាពិសេសដោយសារ គ្រោះថ្នាក់ចរាចរណ៍, គ្រាប់មីន, ផ្លូវដង្ហើម និងការឃាត់ឈាមជាដើម។
លោកវេជ្ជបណ្ឌិត ហេង តៃគ្រី បានស្នើឲ្យក្រុមគ្រូពេទ្យត្រូវបន្តយកចិត្តទុកដាក់ពិនិត្យ និងព្យាបាលអ្នកជំងឺឲ្យបានទាន់ពេលវេលា ហើយប្រកបដោយសីលធម៌ ចៀសវាងការរើសអើងអ្នកជំងឺ ទោះអ្នកជំងឺនោះមានជីវភាពក្រីក្រយ៉ាងណាក៏ដោយ៕
