បទវិភាគ៖សង្កេតមើលពីប្រជាធិបតេយ្យរបស់ប្រជាជនក្នុងដំណើរការទាំងមូលតាមរយៈការកែលម្អទីក្រុង
Cambodia News
ទីក្រុង គឺជាភ្នាក់ងារដ៏សំខាន់នៃការធ្វើទំនើបកម្ម ។ នៅទូទាំងប្រទេសចិន មានទីក្រុងចំនួនជាង ៦៩០ ត្រូវបានគ្រប់ដណ្តប់នៅទូទាំងប្រទេសចិន ហើយមានប្រជាជនចំនួន ៩៤០ លាននាក់បានរស់នៅក្នុងទីក្រុង ។ ដូច្នេះ ការកែលម្អទីក្រុង បានបង្កប់នូវក្តីសុបិនរស់នៅប្រកបដោយសុភមង្គលរបស់គ្រួសាររាប់លាន វាមិនត្រឹមតែជាការជួសជុលអគារ និងការរៀបចំឡើងវិញលំនៅដ្ឋានប៉ុណ្ណោះទេ ប៉ុន្តែវាថែមទាំងជាការលើកកម្ពស់គុណភាពជីវិត និងការប្រមូលផ្តុំដួងចិត្តរបស់ប្រជាជនផងដែរ។
នៅខែឧសភាឆ្នាំនេះ ក្រុមប្រឹក្សាកិច្ចការរដ្ឋចិនបានចេញផ្សាយ «ផែនការអភិវឌ្ឍន៍ជាតិ៥ឆ្នាំ ទី១៥ សម្រាប់ការកែលម្អទីក្រុង» ដែលបានកំណត់យ៉ាងច្បាស់ថា ក្នុងអំឡុងពេលផែនការ៥ឆ្នាំ ទី១៥ ប្រទេសចិននឹងចាប់ផ្តើមធ្វើគម្រោងជួសជុលឡើងវិញនៅតាមសហគមន៍ចាស់ៗក្នុងទីក្រុងចំនួន ១១ម៉ឺន៥ពាន់កន្លែង ដែលផ្តល់នូវ «ប្លង់ការដ្ឋាន» ដ៏ច្បាស់លាស់សម្រាប់យុទ្ធសាស្ត្រជាតិនៃការកែលម្អទីក្រុង ។ នៅខែកក្កដា ខណៈពេលចុះត្រួតពិនិត្យការងារនៅក្រុងសៀងហៃ លោក Xi Jinping អគ្គលេខាធិការនៃគណៈកម្មាធិការមជ្ឈិមបក្សកុម្មុយនីស្តចិនបានសង្កត់ធ្ងន់ថា ការជំរុញកែលម្អទីក្រុងប្រកបដោយគុណភាពខ្ពស់ ជាគន្លឹះសម្រាប់ការធ្វើទំនើបកម្មទីក្រុង ត្រូវអនុវត្តឱ្យបានគ្រប់ជ្រុងជ្រោយនូវទស្សនៈស្តីពីទីក្រុងរបស់ប្រជាជន ប្រកាន់ខ្ជាប់ការសាក់សួរពីតម្រូវការរបស់ប្រជាជន សាក់សួរមធ្យោបាយពីប្រជាជន និងសាក់សួរលទ្ធផលពីប្រជាជន ធ្វើការងារគ្រប់ផ្នែកពាក់ព័ន្ធនឹងការកែលម្អទីក្រុងឱ្យបានកាន់តែស៊ីជម្រៅនិងកាន់តែល្អិតល្អន់ ដើម្បីធ្វើឱ្យប្រជាជនមានអារម្មណ៍នៃការទទួលបាន អារម្មណ៍នៃសុភមង្គល និងអារម្មណ៍សុវតិ្ថភាពកាន់តែច្រើនឡើងៗ ។
លោកអគ្គលេខាធិការបក្ស Xi Jinping បានណែនាំការកែលម្អទីក្រុងតាមរយៈទស្សនៈស្តីពីទីក្រុងរបស់ប្រជាជន ហើយប្រកាន់ខ្ជាប់ការតម្កល់ទុកប្រជាជនជាស្នូល នេះជាគោលបំណងដើមរបស់គណៈបក្សមួយរយឆ្នាំដែលមិនដែលកែប្រែ ហើយក៏ជាឧត្តមភាពនៃប្រជាធិបតេយ្យរបស់ប្រជាជនក្នុងដំណើរការទាំងមូលផងដែរ ។
ក្នុងដំណើរការកែលម្អទីក្រុង ប្រជាធិបតេយ្យរបស់ប្រជាជនក្នុងដំណើរការទាំងមូលត្រូវបានបង្ហាញឱ្យឃើញនៅត្រង់ការអនុវត្តជាក់ស្តែងទាំងស្រុង ពោលគឺ ការសាក់សួរពីតម្រូវការរបស់ប្រជាជន សាក់សួរមធ្យោបាយពីប្រជាជន និងសាក់សួរលទ្ធផលពីប្រជាជន ដែលឱ្យប្រជាពលរដ្ឋក្លាយជាតួអង្គសំខាន់ក្នុងដំណើរការកែលម្អទីក្រុង។
ការសាក់សួរពីតម្រូវការរបស់ប្រជាជន ពោលគឺ ប្រកាន់ខ្ជាប់នូវគោលជំហរឈរលើប្រជាជនមុននឹងគ្រោងផែនការ ដោយផ្តោតសំខាន់ទៅលើបញ្ហាលំបាកនិងក្តីកង្វល់បន្ទាន់របស់ប្រជាជន ។ ត្រូវធានាឱ្យបានវិធីសាស្ត្របញ្ចេញមតិមានភាពរលូន ប្រមូលតម្រូវការរបស់ក្រុមមនុស្សខុសៗគ្នាដោយគ្រប់ជ្រុងជ្រោយ តាមរយៈមធ្យោបាយជាច្រើន ដូចជាការចុះទៅសហគមន៍ ការពិភាក្សានៅស្ថានីយ៍សេវាកម្មគណបក្សនិងមហាជន និងការប្រមូលមតិតាមបណ្តាញអ៊ីនធឺណិតជាដើម ។
ការសាក់សួរមធ្យោបាយពីប្រជាជន ពោលគឺ ក្នុងដំណើរការធ្វើសេចក្តីសម្រេចចិត្ត រួមបញ្ចូលគ្នានូវតម្រិះប្រាជ្ញារបស់ប្រជាជន។ អញ្ជើញអ្នករៀបចំផែនការ ស្ថាបត្យករ និងវិស្វករ ចុះពិនិត្យក្នុងសហគមន៍ ហើយពិគ្រោះពិភាក្សាពីគម្រោងជួសជុលជាមួយអ្នកស្នាក់នៅ ធ្វើឱ្យពួកគេក្លាយជាអ្នកចូលរួមក្នុងដំណើរការរចនាគម្រោង។
ការសាក់សួរលទ្ធផលពីប្រជាជន ពោលគឺ ក្នុងដំណាក់កាលការទទួលយកគម្រោង ត្រូវទទួលការត្រួតពិនិត្យពីអ្នកស្នាក់នៅ ។ ក្នុងដំណើរជួសជុល អញ្ជើញតំណាងអ្នកស្នាក់ត្រួតពិនិត្យគុណភាពសំណង់ និងការប្រើប្រាស់ថវិកា ។ ចាត់ទុកការពេញចិត្តពីអ្នកស្នាក់នៅជាម៉ែត្រវាស់គន្លឹះ ដើម្បីលើកកម្ពស់អារម្មណ៍នៃការទទួលបាន អារម្មណ៍នៃសុភមង្គល
និងអារម្មណ៍សុវតិ្ថភាពរបស់ប្រជាជន ។
សូមយកលំនៅដ្ឋានភូមិថ្មី នៃសង្កាត់ផ្លូវ Bansongyuan ខ័ណ្ឌ Huangpu ទីក្រុងសៀងហៃ ដែលលោកអគ្គលេខាធិការបក្ស Xi Jinping ធ្លាប់ចុះទៅត្រួតពិនិត្យជាឧទាហរណ៍ នៅពេលមុនជួសជុល អគារលំនៅដ្ឋានទាំងនោះមានអាយុជាង៧០ឆ្នាំ មានភាពចាស់ទ្រុឌទ្រោម ។ គ្រួសារចំនួនបីទៅដប់គ្រួសារចែករំលែកផ្ទះបាយ និងបន្ទប់ទឹកតែមួយ ហើយអ្នកស្នាក់នៅជាច្រើនត្រូវប្រើប្រាស់ “ធុងបង្គន់” ក្នុងរយៈពេលជាច្រើនឆ្នាំ ។ ឆ្លងតាមរយៈការជួសជុល ឥឡូវនេះ គ្រួសារនីមួយៗសុទ្ធតែមានផ្ទះបាយ និងបន្ទប់ទឹកផ្ទាល់ខ្លួន ហើយក៏បានដំឡើងជណ្តើរយន្តផងដែរ លក្ខខណ្ឌរស់នៅទទួលបានកែលម្អយ៉ាងច្បាស់លាស់ ។ ខណៈពេលចុះត្រួតពិនិត្យការងារ លោកអគ្គលេខាធិការបក្ស Xi Jinping បានពិនិត្យឃើញសភាពការណ៍ស្នាក់នៅរបស់ប្រជាជនយ៉ាងល្អិតល្អន់ លោកបានថ្លែងថា រឿងតូចតាចគ្រប់យ៉ាងនៅក្នុងជីវិតរបស់ប្រជាជន សុទ្ធតែជារឿងដែលមន្ត្រីត្រូវយកចិត្តទុកដាក់ ជីវភាពរស់នៅរបស់ប្រជាជន ជារឿងក្នុងផ្ទះ ហើយក៏ជារឿងរបស់រដ្ឋដែរ ។ បក្សកុម្មុយនីស្តចិនគឺជាបក្សបម្រើដល់ប្រជាជន
ហើយមានតែប្រជាជនមានជីវភាពរស់នៅប្រកបដោយសុភមង្គលនិងប្រកបអាជីវកម្មដោយសប្បាយរីករាយ ទើបបក្សនិងរដ្ឋាភិបាលមានអារម្មណ៍ទុកចិត្ត ។
ប្រជាជនសាងសង់ទីក្រុងរបស់ប្រជាជន ហើយទីក្រុងរបស់ប្រជាជនក៏បម្រើដល់ប្រជាជនផងដែរ ។ ក្រោមការណែនាំពីទស្សនៈដ៏សំខាន់នេះ ការអភិវឌ្ឍទីក្រុងរបស់ប្រទេសចិនបាននិងកំពុងធ្វើបរិវត្តកម្មយ៉ាងស៊ីជម្រៅ ពោលគឺពី “ការពង្រីកទ្រង់ទ្រាយ” ប្រែទៅជា “ការកែលម្អគុណភាព” ។ ក្នុងក្របខណ្ឌប្រជាធិបតេយ្យរបស់ប្រជាជនក្នុងដំណើរការទាំងមូល ប្រទេសចិនបានបង្កើតវេទិកាសន្ទនា និងពិគ្រោះពិភាក្សាពហុភាគីរវាងរដ្ឋាភិបាល ទីផ្សារ សង្គមនិងប្រជាជន ដើម្បីជំរុញការកែលម្អទីក្រុងប្រកបដោយគុណភាពខ្ពស់ ។ ទីក្រុង ជាទីលំនៅដ្ឋានរបស់ប្រជាជន ។ រំពឹងទុកថា ទស្សនៈស្តីពីទីក្រុងរបស់ប្រជាជន នឹងគ្រោងអនាគតដ៏អស្ចារ្យរបស់ “ទីក្រុងដ៏មានសុភមង្គល” នៅទូទាំងប្រទេសចិន ៕
