សម្តេចតេជោ ហ៊ុន សែន ៖ អ្វីៗក៏ដោយគឺរស់នៅក្នុងក្រោមសន្តិភាពទាំងអស់
សារព័ត៌មាន Cambodia News/
ភ្នំពេញ៖ ក្នុងពិធីអញ្ជើញសម្ភោធដាក់ឲ្យប្រើប្រាស់ ជាផ្លូវការ ស្ពា នបេតុងខ្សែកាបឆ្លងទន្លេសាប និងស្ពានអាកាសឫស្សីកែវ នៅព្រឹកថ្ងៃទី៣១ ខែឧសភា ឆ្នាំ២០២៣ នេះ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាបានថ្លែងថា អ្វីៗ ក៏ដោយ រស់នៅក្នុងក្រោមសន្តិភាពទាំងអស់ សូម្បីពួកប្រឆាំង។
សម្តេចតេជោនៅតែបញ្ជាក់ថា ប្រធានបទទាក់ទងនឹងកីឡា ស៊ីហ្គេមនៅឆ្នាំនេះ គឺ ” កីឡារស់ក្នុងសន្តិភាព ” ប៉ុន្តែសម្តេចបានលើកឡើងថា ស្អីក៏ដោយ រស់នៅក្នុងក្រោមសន្តិភាពទាំងអស់។ សូម្បីពួកប្រឆាំង ដែលចង់ធ្វើឃាតសម្តេច ក៏ត្រូវការសន្តិភាពដែរ ដើម្បីសម្ងំលួចបាញ់សម្តេច»។
សម្តេចតេជោ ហ៊ុន សែន បានកំណត់ថា នៅថ្ងៃណាមួយដែលទំនេរពីកិច្ចការងារនានា នឹងយកពេលវេលាឡើងលើអគារខ្ពស់ៗក្នុងរាជធានីភ្នំពេញ ដើម្បីមើលទិដ្ឋភាពទីក្រុងថា មានការរីកចម្រើនប៉ុណ្ណា។
សម្តេចបន្តថា បើមានឱកាសមើលទិដ្ឋភាពស្អាតៗតាមរយៈឡើងលើអាគារខ្ពស់ៗនោះ សម្តេចនឹងថតរូបខ្លួនឯងដើម្បីឲ្យឃើញថា រីកចម្រើនប៉ុណ្ណា ៕
