ស្ត្រីរកស៊ីផ្លូវភេទដែលធ្លាក់ចូលទឹកទន្លេពេលនេះឃើញសាកសពហើយ
សារព័ត៌មាន Cambodia News/
ភ្នំពេញ (០៤ មករា ២០១៦) ៖ ស្ត្រីរកស៊ីផ្លូវភេទម្នាក់បានចុះទៅក្នុងកាណូតទេសចរណ៍នៅមាត់ទន្លេតែក៏រអិលជើងធ្លាក់ចូលទឹក ក្រោយពីរត់គេចពីកម្លាំងសន្តិសុខដេញ មកដល់ថ្ងៃទី០៤ មករា នេះត្រូវបានគេប្រទះឃើញសាកសពនៅក្រោមស្ពានព្រះមុនីវង្សថ្មី សង្កាត់ច្បារអំពៅ១ ខណ្ឌច្បារអំពៅ។
សាកសពស្ត្រីរងគ្រោះខាងលើ ឈ្មោះប៉ែន គន្ធី ហៅស្រីម៉ៅ អាយុ៣៣ឆ្នាំ ជារត់តុនៅហាងបារាំងក្នុងផ្ទះជួលម្តុំផ្សារតូច សង្កាត់ទួលសង្កែ ខណ្ឌឫស្សីកែវ មានស្រុកកំនើតនៅភូមិពាញែក២ ស្រុកសំពៅមាស ខេត្តពោធិ៍សាត់ ។
គួររំលឹកថា កាលពីយប់ថ្ងៃទី០១ មករា កន្លងមក មានសណ្តាប់ធ្នាប់សាលាខណ្ឌដូនពេញ៥ ទៅ៦នាក់ បានចុះរៀបចំសណ្តាប់ធ្នាប់នៅម្តុំភោជនីយដ្ឋាន និងបាទន្លេសាប បានធ្វើឱ្យស្ត្រីរកស៊ីផ្លូវភេទ ដែលអង្គុយនៅលើសួនច្បារ ភ័យស្លន់ស្លោរត់ចុះទៅក្នុងកាណូតទេសចរណ៍ ធ្វើឱ្យស្ត្រីម្នាក់រអិលជើងធ្លាក់ជើងចូល ក្នុងទឹកទន្លេសាបបាត់ខ្លួន៕
