ពានរង្វាន់បាល់ទាត់ពិភពលោកបានមកដល់កម្ពុជាហើយ
សារព័ត៌មាន Cambodia News/
ថ្ងៃចេញផ្សាយៈ June 15, 2022/
ភ្នំពេញ ៖ នៅព្រឹកថ្ងៃទី១៥ ខែមិថុនា ឆ្នាំ២០២២នេះ ពានរង្វាន់បាល់ទាត់ពិភពលោក FIFA World Cup Trophy Tour បានដង្ហែមកដល់ប្រទេសកម្ពុជាហើយ។
ពានរង្វាន់បាល់ទាត់ពិភពលោកនឹងដង្ហែពីព្រលានយន្ដហោះអន្ដរជាតិភ្នំពេញមកកាន់វិមានសន្ដិភាព ដោយពិធីទទួលស្វាគមន៍ពានរង្វាន់បាល់ទាត់ពិភពលោកនេះ នឹងធ្វើឡើងក្រោមអធិបតីភាពដ៏ខ្ពង់ខ្ពស់របស់សម្ដេចតេជោនាយករដ្ឋមន្ដ្រី។
បន្ទាប់មកទៀតនឹងមានការនាំយកពានរង្វាន់បាល់ទាត់ពិភពលោកនេះ ទៅដាក់តាំងនៅពហុកីឡដ្ឋានជាតិមរតកតេជោ កន្លែងដែលកម្ពុជាត្រៀមរៀបចំព្រឹត្តិការណ៍ស៊ីហ្គេម ឆ្នាំ២០២៣ ដើម្បីស្វាគមន៍ភ្ញៀវចូលទស្សនា និងថតរូបផ្ទាល់ជាមួយពានរង្វាន់បាល់ទាត់ពិភពលោកនេះ ចាប់ពីម៉ោង ១រសៀលរហូតដល់ម៉ោង ១០យប់អមជាមួយតន្ដ្រីសម័យកំដរទៀតផង៕
