រថយន្តមួយគ្រឿង និងម៉ូតូចំនួន ០២ គ្រឿង ត្រូវបានទឹកហូរវាយប៉ើងធ្លាក់តាមទឹក
សារព័ត៌មាន Cambodia News/
ក្រចេះ (០៣ តុលា ២០១៧) ៖ នាល្ងាចថ្ងៃទី ០២ ខែតុលា ឆ្នាំ ២០១៧ ហេតុកាណ៍ដ៏រន្ធត់មួយបានកើតឡើងដោយរថយន្ត ០១ គ្រឿង និងម៉ូតូចំនួន ០២ គ្រឿង ត្រូវបានទឹកហូរវាយប៉ើងធ្លាក់តាមទឹកទៅផ្នែកខាងក្រោមទំនប់ព្រែកថ្លុង ស្ថិតក្នុងឃុំស្នួល ស្រុកស្នួល ខេត្តក្រចេះ ខណៈធ្វើដំណើរឆ្លងកាត់សំណង់បង្ហៀរដែលទឹកកំពុងហូរបុកខ្លាំង ។ ហេតុការណ៍ដ៏រន្ធត់ខាងលើនេះ មិនបានបង្កឱ្យគ្រោះថ្នាក់ដល់ជីវិតមនុស្សនោះទេ ប៉ុន្តែរថយន្តចំនួន ០១ គ្រឿង និងម៉ូតូ ចំនួន ០២ គ្រឿង ត្រូវបានរងការខូចខាតយ៉ាងដំណំ ៕
