ជនដៃដល់ ដែលធ្វើទារុណកម្មលើកូនក្មេងអាយុ២ឆ្នាំចាប់បានហើយនៅប្រទេសវៀតណាម
សារព័ត៌មាន Cambodia News/
ភ្នំពេញ (០៨ ធ្នូ ២០១៦) ៖ ដោយមានការសហការពីសមត្ថកិច្ចប្រទេសទាំងពីរជនដៃដល់ត្រូវចាប់បានជនដៃដល់ជនជាតិវៀតណាមម្នាក់ធ្វើទារុណកម្មដោយប្រើប្រដាប់ឆក់យ៉ាងឃោរឃៅលើកូនក្មេងអាយុ២ឆ្នាំជាជនជាតិខ្មែរនៅខេត្តមណ្ឌលគិរីក្រោយបានរត់គេចខ្លួនទៅប្រទេសវៀតណាម។
មន្ត្រីតុលាការម្នាក់នៅខេត្តមណ្ឌលគិរីបានឲ្យដឹងថា ទោះជាយ៉ាងណា ប្រភពដដែលបាននិយាយថា ជនសង្ស័យរូបនេះ នឹងត្រូវបញ្ជូនមកប្រទេសកម្ពុជានៅពេលណាឡើយ តែសមត្ថកិច្ចកម្ពុជា សហការជាមួយខាងនគរបាលវៀតណាម ដើម្បីយកជននេះមកប្រទេសកម្ពុជា ដើម្បីបញ្ជូនទៅតុលាការចាត់ការតាមច្បាប់។
ប្រភពបានបន្តថាជនដៃដល់ដែលបានធ្វើទារុណកម្មយ៉ាងឃោរឃៅទៅលើកុមារនោះ ត្រូវបានសមត្ថកិច្ចបញ្ជាក់ថា ឈ្មោះ Doung tanh ជាជនជាតិវៀតណាម។ ចំណែកឯក្មេងប្រុសរងគ្រោះ មានឈ្មោះ សូរ សៅអាយុ២ឆ្នាំ ជាកូនជនជាតិខ្មែរ រស់នៅភូមិពូក្រូច ឃុំស្រែអំពូម ស្រុកពេជ្រាដា ខេត្តមណ្ឌលគិរី ដែលម្តាយឪពុកជាកម្មករចាំចម្ការកាកាវ ឲ្យជនជាតិហូឡង់ ស្ថិតនៅភូមិឃុំខាងលើ។
សូមបញ្ជាក់ថា ពាក់ព័ន្ធនឹងករណីនេះ កម្លាំងនគរបាលក្រសួងមហាផ្ទៃ សហការជាមួយកម្លាំងនគរបាលខេត្តមណ្ឌលគិរី និងនគរបាលខេត្តកំពង់ចាម បានបើកប្រតិបត្តិការស្រាវជ្រាវយ៉ាងបន្ទាន់ រហូតតាមចាប់ខ្លួនជនសង្ស័យ៣នាក់ ដែលបានចូលរួមសមគំនិត និងថតរូបផងដែរ៕
