ក្មេងស្រីម្នាក់បានស្លាប់ភ្លាមៗ ក្រោមកង់រថយន្តយីឌុប
សារព័ត៌មាន Cambodia News/
ភ្នំពេញ (០៥ កក្កដា ២០១៦) ៖ ក្មេងស្រីវ័យ១៥ឆ្នាំម្នាក់បានស្លាប់បាត់បង់ជីវិតភ្លាមៗ ក្រោមកង់រថយន្តយីឌុបសណ្តោងរ៉ឺម៉ក យ៉ាងអាណោចអាធ័ម និងក្មេងប្រុសម្នាក់ទៀតរងរបួស។
ហេតុការណ៍នេះកើតឡើងនាវេលាម៉ោង១១ និង១០នាទីព្រឹកថ្ងៃទី៥ ខែកក្កដា ឆ្នាំ២០១៦ នៅតាមបណ្តោយផ្លូវលេខ២០១១ ស្ថិតក្នុងភូមីដីថ្មី សង្កាត់ភ្នំពេញថ្មី ខណ្ឌសែនសុខ។
តាមប្រភពព័ត៌មានបានឲ្យដឹងថា រថយន្តយីឌុបសណ្តោងរ៉ឺម៉កនោះបានបើកកៀរប៉ះដៃចង្កូតម៉ូតូក្មេងស្រីរងគ្រោះម៉ាកស្កូបពី ពណ៌ខ្មៅលាយផ្កាឈូក បណ្តាលអោយខ្ទាត់ចូលក្រោមកង់រថយន្ត ទើបត្រូវរថយន្តកិនស្លាប់បែបនេះតែម្តង៕
