ប៉ូលិសឥណ្ឌូនេស៊ីបំផ្លាញផែនការបំផ្ទុះគ្រាប់បែកអត្តឃាតរបស់ក្រុម IS
សារប័ត៌មាន Cambodia News/
ឥណ្ឌូនេស៊ី (១០ មិថុនា ២០១៦) ៖ កាលពីថ្ងៃ០៩ មិថុនា ប៉ូលីសឥណ្ឌូនេស៊ីបាននិយាយថា ពួកគេបានចាប់ខ្លួន ក្រុមជ្រុលនិយមចំនួន៣នាក់កាលពីថ្ងៃពុធនៅកោះជ្វា ហើយចាប់រឹបអូសយកគ្រាប់បែកនិងគ្រឿងអាវុធជាច្រើនដែលបានរៀបចំផែនការ បំផ្ទុះគ្រាប់បែក អត្តឃាត ដែលផ្តល់គំនិតដោយក្រុម IS នៅទីក្រុងហ្សាការតា។
អ្នកនាំពាក្យ ប៉ូលិស លោក ប៊យ រ៉ាហ្វលី អាម៉ា (Boy Rafli Amar) បាននិយាយថា ប៉ូលិសបាននិយាយថា ម្នាក់ក្នុងចំណោមបុរសទាំង៣នាក់នេះមានការជាប់ទាក់ទងជាមួយក្រុម ឧទ្ទាមឥណ្ឌូនេស៊ី អាប៊ូ ចានដាល់ (Abu Jandal) ដែលមានទំនាក់ទំនងជាមួយក្រុមISនៅស៊ីរី។
លោក អាម៉ា បាននិយាយថា បុរសទាំង៣នាក់នេះមិនបានជាប់ទាក់ទងទៅនឹងការបំផ្ទុះគ្រាប់បែក អត្តឃាតនិងការបាញ់ប្រហារនៅទីក្រុងហ្សាការតា កាលពីខែមករា ដែលបានសម្លាប់ជនស៊ីវិលចំនួន៤នាក់ និងអ្នកវាយប្រហារចំនួន៤នាក់បានស្លាប់។ ក្រុមISបានប្រកាសទទួលខុសត្រូវចំពោះការវាយប្រហារនេះ៕
