ឡានដឹកកម្មការិនីដាច់រ៉ូទីលចង្កូតរេធ្លាក់ប្រឡាយ របួសធ្ងន់ស្រាល៤៧នាក់
សារព័ត៌មាន Cambodia News/
កំពង់ឆ្នាំង (០១ ធ្នូ ២០១៥) ៖ កាលពីវេលាម៉ោង៥និង៣០នាទីថ្ងៃទី៣០ ខែវិច្ឆិកា ឆ្នាំ២០១៥ នៅភូមិស្ពានដែក ឃុំធ្លកវៀន ស្រុកសាមគ្គីមានជ័យខេត្តកំពង់ឆ្នាំងមានកម្មការិនីចំនួន៤៧នាក់បានរងរបួសធ្ងន់និងស្រាល ត្រូវបានដឹកយកមកសង្គ្រោះបន្ទាន់នៅ គ្លីនីកឯកជន ក្រោយពីរថយន្តដឹកកម្មការនីនេះបានដាច់រ៉ូទីលចង្កូតរេធ្លាក់ប្រឡាយ។
សមត្ថកិច្ចបានអោយដឹងថា អ្នកបើកបររថយន្តដឹកកម្មការនីនេះ មានឈ្មោះសុន ហុនភេទប្រុស អាយុ៤៧ឆ្នាំ រស់នៅភូមិធ្លកវៀន ឃុំធ្លកវៀន ស្រុកសាមគ្គីមានជ័យពុំមានប័ណ្ណបើកបរនោះទេ គឺរៀនចេះតៗគ្នា ។
នៅមុនពេលកើតហេតុ អ្នកបើកបរថយន្ត បានយករថយន្តរបស់ខ្លួន ប្រភេទកូរ៉េ ពាក់ស្លាកលេខ ភ្នំពេញ3B-1302 បានដឹកកម្មការនីចំនួន៤៧នាក់ ត្រឡប់មកពីធ្វើការហើយនៅពេលមកដល់ចំណុចកើតហេតុស្រាប់តែរថយន្តបានដាច់រ៉ូទីលចង្កូតក៍រេធ្លាក់ប្រឡាយតែម្តង បណ្តាលអោយកម្មការនីទាំងអស់នៅក្នុងរថយន្តភ័យស្លន់អ្នកខ្លះហក់ពីលើរថយន្តបណ្តាលអោយរងរបួសធ្ងន់ស្រាលតែម្តង៕
