បុរស និងនារី២ នាក់ ស្រវឹងបើករថយន្តបុករះដើមឈើ ម៉ូតូ និងអង្គរក្ស មុខភូមិគ្រឹះនាយករដ្ឋមន្រ្តី
សារព័ត៌មាន Cambodia News/
ភ្នំពេញ (០១ មេសា ២០១៥) ៖ កាលពីវេលាម៉ោង ២និង១០នាទីទាបភ្លឺ ឈានចូលថ្ងៃទី១ ខែ មេសា បុរសម្នាក់ និងនារី២នាក់ ស្រវឹងស្រា បើករថយន្តរ៉េចង្កូត ទៅបុកដើមឈើនៅខាងមុខផ្ទះសម្តេច ហ៊ុន ដែន និងជ្រុលបុករះ ម៉ូតូ ៤គ្រឿង ថែមទាំងបុកអង្គរក្ស ២នាក់ ដែលឈរយាមនៅខាងមុខផ្ទះ បណ្តាលឲ្យរងរបួសធ្ងន់។ [ អានបន្ត ]
ប្រភពព័ត៌មានពីកន្លែងកើតហេតុបានឲ្យដឹងថា នៅកន្លែងកើតហេតុ បានឲ្យដឹងថា មុនពេលកើតហេតុ គេបានឃើញនារី ២នាក់ បើករថយន្តស៊េរី ទំនើបម៉ាក BMW មួយគ្រឿង ពណ៌ខ្មៅ ពាក់ស្លាកលេខភ្នំពេញ 2AE-1113 ធ្វើដំណើរតាមបណ្តោយផ្លូវលេខ២៦៨ ក្នុងទិសដៅ ពីកើតទៅលិចក្នុងល្បឿនលឿន ក៏ទៅបុកដើមឈើនៅខាងមុខផ្ទះសម្តេច ហ៊ុន ដែន និងជ្រុលបុករះ ម៉ូតូ ៤គ្រឿង ថែមទាំងបុកអង្គរក្ស ២នាក់ បណ្តាលឲ្យរងរបួសធ្ងន់ ទើបរថយន្តទៅមុខលែងរួច ។
ក្រោយពេលកើតហេតុ ជនរងគ្រោះត្រូវបានរថយន្តសង្គ្រោះ ដឹកទៅសង្គ្រោះនៅមន្ទីរពេទ្យភ្លាមៗ ចំណែករថយន្តបង្ក រួមទាំងម្ចាស់រថយន្ត ត្រូវបានសមត្ថកិច្ចឃាត់យកទៅរក្សាទុក នៅការិយាល័យចរាចរណ៍ជើងគោក ដើម្បីរង់ចាំដោះ ស្រាយនៅពេលក្រោយ៕
