រញ្ជួយដី នៅភាគនិរតីប្រទេសចិន ស្លាប់ម្នាក់ និង៣២៤ នាក់ របួស
សារព័ត៌មាន Cambodia News/
ចិន (០៨ តុលា ២០១៤) ៖ មនុស្សម្នាក់ បានស្លាប់បាត់បង់ជីវិត និង ៣២៤ នាក់ផ្សេងៗទៀត បានទទួលរងរបួសធ្ងន់ស្រាល ក្រោយពីមានគ្រោះរញ្ជួយដីមានកម្លាំង ៦,៦ រ៉ិចទ័រ កើតឡើងនៅភាគនិរតីប្រទេសចិន ពោល វាយប្រហារ ខេត្ត Yunnan ផ្ទាល់តែម្តងកាលពីយប់ មិញ យប់ថ្ងៃអង្គារ ទី ៧ តុលា ។
ប្រភពសារព័ត៌មានរដ្ឋចិន បានអោយដឹងថា មនុស្សចំនួន ៩២,៧០០ នាក់រងនូវផលប៉ះពាល់ ដោយនៅក្នុងនោះ ក្រុមមនុស្ស ៥៦,៨៨០ រងនូវការខូចខាត ផ្ទះសម្បែងជាដើម ។ របាយការណ៍ បន្តអោយដឹងថា គ្រោះថ្នាក់ធម្មជាតិ រញ្ជួយដី មាន កម្លាំង ខ្លាំងលើក នេះបានកើតឡើង យប់ថ្ងៃអង្គារ ម៉ោង ៩ និង ៤៩ នាទីយប់ (ម៉ោងក្នុងស្រុក ទីក្រុង ប៉េកាំង ប្រទេសចិន)៕
