ជនដៃដល់បង្ករបួសស្នាមលើអ្នកតំណាងរាស្រ្តគណបក្សសង្គ្រោះជាតិចេញមុខសារភាព
សារព័ត៌មាន Cambodia News/
ភ្នំពេញ (០៤ វិច្ចិការ ២០១៥) ៖ នៅទីបំផុតទៅជនដៃដល់ដែលបានបង្ករបួសស្នាមលើអ្នកតំណាងរាស្ត្រគណបក្សសង្គ្រោះជាតិ ២រូប គឺលោក ញ៉យ ចំរើន និងលោកគង់ សភា បានចេញមកបង្ហាញខ្លួនចំពោះមុខគណៈកម្មាការស្រាវជ្រាវស៊ើបអង្កេត ករណីបង្ករបួសស្នាមលើអ្នកតំណាងរាស្ត្ររបស់ក្រសួងមហាផ្ទៃ កាលពីវេលាម៉ោង ១៦:៣០ នាទីល្ងាច ថ្ងៃតី០៣ ខែវិច្ឆិកា ឆ្នាំ២០១៥នេះ។
សេចក្ដីប្រកាសព័ត៌មានរបស់ក្រសួងមហាផ្ទៃបានឲ្យដឹងថា ជនសារភាពទាំង ៣រូបនោះមានឈ្មោះ៖ ១. ឈ្មោះ ចាយ សារិទ្ធ ភេទប្រុស អាយុ ៣៣ឆ្នាំ មានទីលំនៅនៅសង្កាត់តាខ្មៅ ក្រុងតាខ្មៅ ខេត្តកណ្ដាល។ ២. ឈ្មោះម៉ៅ ហឿន ភេទប្រុស អាយុ ៣៤ឆ្នាំ មានទីលំនៅភូមិ៥ ឃុំព្រែកខ្សាយ “ខ” ស្រុកពាមរក៍ ខេត្តព្រៃវែង។ ៣. ឈ្មោះសុត វណ្ណនី ភេទប្រុស អាយុ ៤៥ឆ្នាំ មានទីលំនៅភូមិព្រែករាំង សង្កាត់កំពង់សំណាញ់ ខេត្តកណ្ដាល៕
