ប្តីកាប់ប្រពន្ធ ជាច្រើនពូថៅ បណ្តាលឲ្យស្លាប់
សារព័ត៌មាន Cambodia News/
កណ្តាល (២៥ កញ្ញា ២០១៤) ៖ បុរសម្នាក់ បានយកពូថៅ កាប់ប្រពន្ធជាច្រើនពូថៅ បណ្តាលឲ្យស្លាប់ បន្ទាប់ពីមាន ទំនាស់ពាក្យសម្តីជាមួយប្រពន្ធពីព្រលប់។ ហេតុការណ៍នេះ បានកើតឡើងកាលពីម៉ោងជិត ៤ទៀបភ្លឺ ថ្ងៃទី២៥ ខែកញ្ញា ឆ្នាំ២០១៤ នៅភូមិពោធិ៍មង្គល ឃុំព្រែកតាទែន ស្រុកពញាឮ ខេត្តកណ្តាល ។
នគរបាលស្រុកពញាឮ បានឲ្យដឹងថា បុរសនេះ ឈ្មោះ ឃឹម ហ៊ន អាយុ ៦៨ ឆ្នាំ។ រីឯជនរងគ្រោះ ជាប្រពន្ធឈ្មោះ ចាន់ សុផៃ អាយុ ៦៦ឆ្នាំ។ ពីរនាក់ប្តីប្រពន្ធ មានទីលំនៅ ក្នុងភូមិឃុំកើតហតុ ។
នៅថ្ងៃទី២៤ ខែកញ្ញា ឆ្នាំ២០១៤ វេលាម៉ោង ៨និង៣០នាទី យប់ ជនសង្ស័យមានទំនាស់ ជជែកគ្នាបន្តិចបន្តួច រួចក៏ចូលទៅសម្រាករៀងៗខ្លួនទៅ។ លុះដល់ម៉ោង ៣:៥៥ នាទី ជិតភ្លឺ នាថ្ងៃទី២៥ ខែកញ្ញា ឆ្នាំ២០១៤ ជនសង្ស័យ បានយកពូថៅ ទៅកាប់ប្រពន្ធ ដែលកំពុងដេក ជាច្រើនពូថៅ បណ្តាលឲ្យស្លាប់ភ្លាមៗ៕
