Peypey Dy ហែកកេរ្តិ៍ ពេជ្រ សោភា
សារព័ត៌មាន Cambodia News/
ភ្នំពេញ (១៣ មិថុនា ២០១៤) ៖ តារា Facebook ល្បីឈ្មោះ Peypey Dy បានទម្លាយ អាថ៌កំបាំងរឿងអាស្រូវ របស់ កញ្ញា ពេជ្រ សោភា ដោយបានសរសេជាភាសាខ្មែរ បង្ហោះនៅលើ Facebook របស់លោកនោះ បាននិយាយបែបបង្ហើរ តាមខ្យល់ថា “ មានមនុស្សអាក្រក់បានបង្កើត Fake profile ហើយដាក់រូបថតខ្ញុំ និងសង្សារខ្ញុំ ហើយដើរ add ទៅគេ ហើយធ្វើរឿង មិនសមរម្យផ្សេងទៀត ម្នាក់នោះ គឺជាតារាចម្រៀងស្រីម្នាក់ ដែលមានប្រវត្តិមិនល្អ ជាស្រីដែលមាន កូនរួចហើយ តែឲ្យកូនខ្លួនឯង ហៅថាមីង ព្រោះខ្លាចធ្លាក់កូដ ។
សាររបស់ Peypey Dy បាននិយាយបន្ថែមទៀតថា សំបកក្រៅដូចជាមនុស្សល្អ ធ្លាប់និយាយ ប្រាប់អ្នកកាសែតថា មិនយកប្តីគេទេ តែការពិតទាក់ទងប្តីគេ រហូតដល់ប្រពន្ធគេដឹង ហើយផ្ញើរសារមកជេរទៀត។ មិនតែប៉ុណ្ណោះ ធ្លាប់បាន ទៅដើរលេងនៅកំពង់សោម ជាមួយគ្នាទៀត។ អ្វីដែលរឹតតែហួសចិត្ត គឺធ្លាប់លួចចេញពីផ្ទះ ទាំងកណ្តាលយប់ ជាច្រើនដង ទៅដេកជាមួយ ប្រុសស្នេហ៍នៅផ្ទះគេ ហើយពេលខ្លះ ខ្ញុំជាអ្នកចាក់សោរឲ្យផ្ទាល់តែម្តង….!”។
ជាមួយគ្នានោះ តារា Facebook រូបនេះ ក៏បានផ្តាំទៅតារាចម្រៀង ស្រីម្នាក់ហ្នឹងថា “កុំ ថោកទាបខ្លាំងពេក គួរធ្វើឲ្យអ្នកដទៃគោរពផង បើចង់លេង ជាមួយពួកខ្ញុំ ខ្ញុំស្វាគមន៍ ហើយចាំមើលចុងក្រោយអ្នកណាត្រូវខ្មាសគេ….តែចំពោះស្រីម្នាក់ហ្នឹងវិញ មាន អាថ៌កំបាំង ច្រើនណាស់ បើមិនចង់ ខ្មាសគេ ឈប់ធ្វើរឿងថោកទាបទៅ បើមិនដូច្នេះទេ ញុំនឹង post ជាclip ហើយនិយាយឲ្យចំឈ្មោះតែម្តង….!!!!! “។
ទោះបីជាសារនៅក្នុង Facebook Peypey Dy មិនបានបញ្ជាក់ពីឈ្មោះ របស់តារាចម្រៀង ស្រីរូបនោះច្បាស់ ក៏ដោយ ប៉ុន្តែអ្នកដែលបាន អានសារ មួយនេះ ភាគច្រើនសុទ្ធតែដឹងថា Peypey Dy ចង់និយាយសំដៅផ្លែផ្កាឲ្យ ពេជ្រ សោភា ព្រោះថាអស់រយៈពេលជិត២ឆ្នាំ ហើយដែលលោក និងតារាស្រី រូបនេះ រស់នៅជាមួយគ្នា ប្រៀបដូចជាបងប្អូន នៅក្រោមដំបូលផ្ទះតែមួយ។
ប៉ុន្តែនៅក្នុងនោះ លោក Peypey Dy ក៏បានរើបង្វេច ចាកចេញពីផ្ទះ ពេជ្រ សោភា ទាំងឆ្អែតចិត្ត ក្នុងស្ថានភាពអាថ៌កំបាំង អំពីជម្លោះរវាងអ្នកទាំងពីរ ដែលគ្មាននរណានឹកស្មានដល់ឡើយ។ រហូត មកដល់ពេលនេះ ភ្លើងគំនុំ ដែលឆេះក្ដៅងំជាច្រើនខែមកនោះ បានផ្ទុះឡើងបន្តិចម្ដងៗ រហូតដល់ថ្នាក់ Peypey Dy គម្រាមប្រកាសសង្គ្រាម ពាក្យសម្ដី ជាមួយពេជ្រ សោភា ទៀតផង៕
