ការស្លៀកពាក់របស់តារាខ្មែរមួយចំនួនធ្វើឲ្យធ្លាក់ចុះនូវសីលធម៌សង្គម
សារព័ត៌មាន Cambodia News/
ភ្នំពេញ (២៦ សីហា ២០១៤) ៖ ការនិយមនូវសម្លៀកបំពាក់ ដើម្បីបង្ហាញភាពលេចធ្លោរជាការចាប់អារម្មណ៍មួយពីសំណាក់ក្រុមសិល្បករ សិល្បការិនី ដើម្បីបង្កើននូវប្រជាប្រិយភាពក្នុងការទទួលបាន ការគាំទ្រពីសំណាក់ទស្សនិកជន ប៉ុន្តែការស្លៀកពាក់របស់សិល្បករមួយចំនួនធ្វើឲ្យសង្គមខ្មែរធ្លាក់ចុះនូវសីលធម៌សង្គមដោយបង្កលក្ខណៈសិចស៊ីជ្រុលហួសហេតុ ដែលក្រសួងវប្បធម៌ ធ្លាប់បានក្រើនរម្លឹកជារឿយៗ ។
នាចុងឆ្នាំ២០១៣ និងដើមឆ្នាំ២០១៤ នេះការស្លៀកពាក់របស់សិល្បករបានក្លាយជាសង្គ្រាម ពាក្យសម្តីនៅក្នុងបណ្តាញសង្គម ដោយមានការរិះគន់យ៉ាងចាស់ដៃ និងសរសើមិនដាច់ពីម៉ាត់ផងដែរ។
ម្ចាស់គណនីឈ្មោះ ទស្សៈយុវជនខ្មែរ បានបញ្ចេញមតិរិះគន់ថា «ទន្ទឹមនិងមានប្រិយមិត្តបរទេសមួយចំនួនចេះស្រឡាញ់ ចូលចិត្ត ព្រមទាំងឲ្យតម្លៃទៅលើ “សម្លៀកបំពាក់ប្រពៃណីខ្មែរយើង” នោះ!!! តែបែរជានៅក្នុងស្រុកខ្មែរឯនោះវិញ មានក្រុមតារាសិល្បៈខ្មែរមួយចំនួនធំភ្លើតភ្លើនទៅនិង “សម្លៀកបំពាក់បែបអឺរ៉ុបនិយម” ស្លៀកពាក់ខើចលើ! ខើចក្រោម! បញ្ចេញគល់ភ្លៅ! បង្ហាញដើមទ្រូងយ៉ាងចំហរដោយខ្វះសេចក្តីអៀនខ្មាស់ ប្រៀបបីដូចជាកំពុងតែ “បំផ្លាញនូវប្រពៃណី វប្បធម៌ខ្មែរ” ដែលជាកេរ្តិ៍មរតកដ៏ថ្លៃថ្លារបស់បុព្វបុរសខ្មែរខ្លួនឯងទៅវិញ៕
