នាយទាហានជាន់ខ្ពស់ ២៩រូប ត្រូវបានដំឡើងឋានន្តរសក្តិ ថ្នាក់នាយឧត្តមសេនីយ៍
សារព័ត៌មាន Cambodia News/
- ភ្នំពេញ(៥ កុម្ភៈ ២០១៤) ៖ លោកនាយករដ្ឋមន្ត្រី ហ៊ុន សែន បានយល់ព្រមលើលិខិតស្នើសុំរបស់លោកនាយឧត្តមសេនីយ៍ ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ដែលបានស្នើសុំអនុញ្ញាតតម្លើងឋានន្តរសក្តិ ថ្នាក់នាយឧត្តមសេនីយ៍ នាយទាហានជាន់ខ្ពស់ នៃកងយោធពលខេមរភូមិន្ទ ចំនួន ២៩ រូប។
ឧត្តមសេនីយ៍ឯក ( ផ្កាយបី ) ទាំង ២៩ រូប ដែលនាយករដ្ឋមន្ត្រី យល់ព្រមឲ្យតម្លើងឋានន្តរសក្តិ ថ្នាក់នាយឧត្តមសេនីយ៍ ( ផ្កាយបួន ) ទាំងនោះ មានឋានៈជារដ្ឋលេខាធិការ អនុរដ្ឋលេខាធិការក្រសួងការពារជាតិ អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងទឹក មេបញ្ជាការកងទ័ពជើងអាកាស អគ្គលេខាធិការ អគ្គនាយក និងអគ្គនាយករង។
មន្ត្រីយោធាទាំង២៩រូបនោះមាន៖
១- ឧត្តមសេនីយ៍ឯក ឯល វ៉ាន់សារ៉ាត រដ្ឋលេខាធិការ ក្រសួងការពារជាតិ
២- ឧត្តមសេនីយ៍ឯក ឈុំ សុជាតិ អនុរដ្ឋលេខាធិការ ក្រសួងការពារជាតិ
៣- ឧត្តមសេនីយ៍ឯក ភួង ស៊ីផាន អនុរដ្ឋលេខាធិការ ក្រសួងការពារជាតិ
៤- ឧត្តមសេនីយ៍ឯក ឃុន វុធ អនុរដ្ឋលេខាធិការ ក្រសួងការពារជាតិ
៥- ឧត្តមសេនីយ៍ឯក ចៅ ផល្លី អនុរដ្ឋលេខាធិការ ក្រសួងការពារជាតិ
៦- ឧត្តមសេនីយ៍ឯក ហ៊ុយ ពិសិដ្ឋ អនុរដ្ឋលេខាធិការ ក្រសួងការពារជាតិ
៧- ឧត្តមសេនីយ៍ឯក កែវ ពង្ស អនុរដ្ឋលេខាធិការ ក្រសួងការពារជាតិ
៨- ឧត្តមសេនីយ៍ឯក ស៊ូ គឹមស៊ុន អនុរដ្ឋលេខាធិការ ក្រសួងការពារជាតិ
៩- ឧត្តមសេនីយ៍ឯក សុខ ភាព អនុរដ្ឋលេខាធិការ ក្រសួងការពារជាតិ
១០- ឧត្តមសេនីយ៍ឯក សាវ សុខ អនុរដ្ឋលេខាធិការ ក្រសួងការពារជាតិ
១១- ឧត្តមសេនីយ៍ឯក ដុម ហាក់ អនុរដ្ឋលេខាធិការ ក្រសួងការពារជាតិ
១២- ឧត្តមសេនីយ៍ឯក គៀង សាវុធ អគ្គមេបញ្ជាការង នៃកងយោធពលខេមរភូមិន្ទ
១៣- ឧត្តមសេនីយ៍ឯក អ៊ុង សំខាន់ អគ្គមេបញ្ជាការង នៃកងយោធពលខេមរភូមិន្ទ
១៤- ឧត្តមសេនីយ៍ឯក ឈិន ចាន់ពណ៌ អគ្គមេបញ្ជាការង នៃកងយោធពលខេមរភូមិន្ទ
១៥- ឧត្តមសេនីយ៍ឯក ម៉ក់ សារុន អគ្គមេបញ្ជាការង នៃកងយោធពលខេមរភូមិន្ទ
១៦- ឧត្តមសេនីយ៍ឯក ឥត សារ៉ាត់ អគ្គមេបញ្ជាការង នៃកងយោធពលខេមរភូមិន្ទ និងជានាយកទីចាត់ការហ្វឹកហ្វឺន
១៧- ឧត្តមសេនីយ៍ឯក ខ្វាន់ ស៊ាម អគ្គមេបញ្ជាការង នៃកងយោធពលខេមរភូមិន្ទ និងជាមេបញ្ជាការបញ្ជារការដ្ឋានវិស្វកម្ម
១៨- ឧត្តមសេនីយ៍ឯក គឹម ប៊ុនថាន អគ្គមេបញ្ជាការង នៃកងយោធពលខេមរភូមិន្ទ
១៩- ឧត្តមសេនីយ៍ឯក សំ វណ្ណថន អគ្គលេខាធិការក្រសួងការពារជាតិ
២០- ឧត្តមសេនីយ៍ឯក មាស សាវ៉នដ អគ្គនាយកអគ្គនាយកដ្ឋានយោធសេវា
២១- ឧត្តមសេនីយ៍ឯក ស៊ុំ សំណាង អគ្គនាយកអគ្គនាយកដ្ឋានភស្ដុភារហិរញ្ញវត្ថុ
២២- ឧត្តមសេនីយ៍ឯក ចៅ ភិរុណ អគ្គនាយកអគ្គនាយកដ្ឋានសំភារៈបច្ចេកទេស
២៣- ឧត្តមសេនីយ៍ឯក ណឹម សុវត្ថិ អគ្គអគ្គនាយកដ្ឋាននយោបាយ និងកិច្ចការបរទេស
២៤- ឧត្តមសេនីយ៍ឯក សែម សុវណ្ណនី អគ្គនាយកមជ្ឈមណ្ឌលជាតិគ្រប់គ្រងកងកម្លាំងរក្សាសន្ដិភាព បោសសំអាតមីន និងកាកសំណល់សង្គ្រាម
២៥- ឧត្តមសេនីយ៍ឯក ជ័យ សុន អគ្គលេខាធិការ អគ្គលេខាធិការដ្ឋាន នៃអាជ្ញាធរជាតិទប់ស្កាត់អាវុធគីមី នុយក្លេអ៊ែរ ជីវសាស្ដ្រនិងវិទ្យុសកម្ម
២៦- ឧត្តមនាវីឯក ទៀ វិញ មេបញ្ជាការកងទ័ពជើងទឹក
២៧- ឧត្តមសេនីយ៍ឯក សឹង សំណាង មេបញ្ជាការកងទ័ពជើងអាកាស
២៨- ឧត្តមសេនីយ៍ឯក កែវ តាំ អគ្គលេខាធិការរង ក្រសួងការពារជាតិ និងជានាយកនាយកដ្ឋានអធិការកិច្ច
២៩- ឧត្តមសេនីយ៍ឯក មាស សំអុល អគ្គនាយករងអគ្គនាយកដ្ឋានយោធសេវា និងជានាយកនាយកដ្ឋានបុគ្គលិក។
ការ តម្លើងឋានន្តរសក្តិ ថ្នាក់នាយឧត្តមសេនីយ៍ ដល់នាយទាហានជាន់ខ្ពស់ នៃកងយោធពលខេមរភូមិន្ទ ទាំង ២៩ រូប តាមក្រឹត្យក្រម នឹងត្រូវលោកនាយករដ្ឋមន្ត្រី ទូលថ្វាយព្រះមហាក្សត្រ។ បន្ទាប់មក ព្រះករុណា ព្រះមហាក្សត្រ នឹងចេញព្រះរាជក្រឹត្យ ដើម្បីតែងតាំង តម្លើងឋានន្តរសក្តិដល់ឧត្តមសេនីយ៍កងទ័ពទាំងនោះ៕
