លោក គឹម សុខត្រូវបានតុលាការចេញដីកាបង្គាប់ឲ្យចាប់ និង ឃុំខ្លួន
សារព័ត៌មាន Cambodia News/
រាជធានីភ្នំពេញ (១៨ កញ្ញា ២០១៨) ៖ លោក គឹម សុខ អ្នកវិភាគសង្គម និងនយោបាយត្រូវបានសាលាដំបូងរាជធានីភ្នំពេញ បានចេញដីកាបង្គាប់ឲ្យចាប់ខ្លួន ខណៈដែលដីកានេះបានចុះហត្ថលេខាដោយ លោក លាង សំណាត់ ចៅក្រមស៊ើបសួរសាលាដំបូងរាជធានីភ្នំពេញ កាលពីថ្ងៃទី១៤ ខែកញ្ញា ឆ្នាំ២០១៨ និងទើបតែដល់ដៃអ្នកកាសែតនៅថ្ងៃទី១៧កញ្ញានេះ។
ការចេញដីកាបង្គាប់ឲ្យចាប់ខ្លួននេះ គឺបន្ទាប់ពីលោក គឹម សុខ មិនបានចូលខ្លួនឆ្លើយបំភ្លឺកាលពីថ្ងៃទី១៤ ខែកញ្ញា ឆ្នាំ២០១៨ ពីដំណើររឿង “បរិហាកេរ្ត៍ជាសាធារណៈ ញុះញង់ឱ្យប្រព្រឹត្តបទឧក្រិដ្ឋជាអាទ៍” ប្រព្រឹត្តនៅរាជធានីភ្នំពេញ កាលពីថ្ងៃទី២៣ ខែកុម្ភៈ ឆ្នាំ២០១៧៕
