ព្រឹទ្ធសភាបើកកិច្ចប្រជុំពិភាក្សា និងឱ្យយោបល់ លើសេចក្តីព្រាងច្បាប់ថវិកាជាតិឆ្នាំ២០១៧
សារព័ត៌មាន Cambodia News/
ភ្នំពេញ (០៥ ធ្នូ ២០១៦ ) ៖ នៅថ្ងៃចន្ទ ទី០៥ ខែធ្នូ ឆ្នាំ២០១៦ វេលាម៉ោង០៨:០០នាទីព្រឹក ព្រឹទ្ធសភានៃព្រះរាជាណាចក្រកម្ពុជា បានបន្តសម័យប្រជុំលើកទី៩ ព្រឹទ្ធសភា នីតិកាលទី៣ ក្រោមអធិបតីភាពដ៏ខ្ពង់ខ្ពស់របស់ សម្តេចវិបុលសេនាភក្តី សាយ ឈុំ ប្រធានព្រឹទ្ធសភានៃព្រះរាជាណាចក្រកម្ពុជា ដែលមានសមាជិកព្រឹទ្ធសភាចូលរួមចំនួន៥១រូប ដោយមានរបៀបវារៈដូចខាងក្រោម៖
១- ពិនិត្យ និងឲ្យយោបល់លើសេចក្តីព្រាងច្បាប់ ស្តីពី ហិរញ្ញវត្ថុសម្រាប់ការគ្រប់គ្រងឆ្នាំ ២០១៧
២- ពិនិត្យ និងឲ្យយោបល់លើសេចក្តីព្រាងច្បាប់ ស្តីពី ការអនុម័តយល់ព្រមលើកិច្ចព្រមព្រៀងទីក្រុងប៉ារីស ស្តីពី ការប្រែប្រួលអាកាសធាតុ៕
