ស្ដ្រីម្នាក់ផឹកស្រវឹងបើករថយន្ដទៅមុខលែងរួច ចតរថយន្ដដេកតាមផ្លូវ
Cambodia News
ភ្នំពេញ៖ កាលពីវេលាម៉ោង៥ទៀបភ្លឺថ្ងៃ ទី២០ ខែមីនា ឆ្នាំ២០១៣ ស្ដ្រីម្នាក់ផឹកស្រវឹងបើករថយន្ដទៅមុខលែងរួច សុខចិត្ដចតរថយន្ដក្បែរផ្លូវនៅតាមបណ្ដោយ មហាវិថីព្រះនរោត្ដមកែងផ្លូវលេខ១៧២ ជិតអង្គភាពប្រឆាំងអំពើពុករលួយស្ថិត ក្នុងសង្កាត់ផ្សារថ្មីទី៣ ខណ្ឌដូនពេញ ហើយដេកក្នុងរថយន្ដ ពេលនគរបាលទៅដាស់មិន ព្រមក្រោកនឹកស្មានមានអំពើឃាតកម្ម ក៏បង្កឱ្យមានការភ្ញាក់ផ្អើលតែម្ដង ។
ប្រភពព័ត៌មានពីមន្ដ្រីនគរបាល ប៉ុស្ដិ៍ ផ្សារថ្មីទី៣បានឱ្យដឹងថា មុនមានការភ្ញាក់ ផ្អើលនេះ មានប្រជាពលរដ្ឋម្នាក់បាន ទូរស័ព្ទប្រាប់ថា នៅចំណុចខាងលើមាន ស្ដ្រីម្នាក់ពាក់អាវដៃវែង ពណ៌ខ្មៅ ស្លៀកខោជើងខ្លីត្រឹមភ្លៅសក់ ពណ៌ទង់ដែង មានពាក់បូរសក់ ស្ដ្រីរូបនេះ មានវ័យជាង៣០ឆ្នាំកំពុងដេកក្នុងរថយន្ដមួយគ្រឿងម៉ាកឡិចស៊ីសRX300ពណ៌ត្រី ឆ្លូញ ពាក់ ស្លាកលេខភ្នំពេញ 2V-8232 មិនដឹងជា រស់ឬស្លាប់នោះទេ ។
ពេលឮដំណឹងនេះភ្លាម កម្លាំងយើងក៏ចុះទៅពិនិត្យមើល នឹងដាស់ឱ្យ ដឹងខ្លួន ឡើងវិញ ស្ដ្រីរូបនេះនិយាយប្រាប់គេឯង ទាំងធុំក្លិនស្រាហួងថា នាងឈ្មោះស្រីនាង អាយុ៣៥ឆ្នាំ រស់នៅម្ដុំផ្សារដេប៉ូ ខណ្ឌទួលគោក ទោះយ៉ាងណាស្ដ្រីរូបនេះមិនបាន បញ្ចាក់ ឱ្យដឹងផងទេថា តើមូលហេតអ្វី និងមកពី ផឹកស៊ីនៅកន្លែងណា បានជាស្រវឹងដល់ ថ្នាក់ទៅផ្ទះលែងរួច សុខចិត្ដឈប់រថយន្ដ ដេកតាមផ្លូវយ៉ាងនេះ៕ ហេង នាង
