សមត្ថកិច្ចចាប់ខ្លួន បុរស២នាក់ពីបទប្លន់បាញ់សម្លាប់ជនជាតិជប៉ុនម្នាក់
Cambodia News
ភ្នំពេញ៖ កាលពីម៉ោង៩និង១០នាទីយប់ថ្ងៃទី១៤ ខែមីនា គរបាលព្រហ្មទណ្ឌកម្រិតធ្ងន់ក្រសួងមហាផ្ទៃ បានឃាត់ខ្លួនបបុរស ២នាក់ ដែលកំពុងអង្គុយលើម៉ូតូនៅមុខផ្ទះសំណាក់រុងរឿង ត្រង់ចំណុចមុខផ្ទះសំណាក់រុងរឿង ក្នុងសង្កាត់ទឹកថ្លា ខណ្ឌសែនសុខ យកទៅការិយាល័យព្រហ្មទណ្ឌកម្រិតធ្ងន់ក្រសួងមហាផ្ទៃ។ ហេតុការណ៍នេះ កើតឡើង
ម្ចាស់ផ្ទះសំណាក់រុងរឿងបានឲ្យដឹងថា មុនកើតហេតុមានបុរស២នាក់ ជិះម៉ូតូវីវ៉ាពណ៌ខ្មៅមួយគ្រឿងមកឈប់នៅមុខផ្ទះសំណាក់ ដោយមិនដឹងជាមានគោលបំណងអ្វី។ មួយរំពេចក្រោយ ស្រាប់តែឃើញសមត្ថកិច្ចជិះរថយន្ត២គ្រឿង និងម៉ូតូធំមួយគ្រឿង មកដល់ក៏ចាប់ខ្លួនបុរសទាំង២នាក់នោះ ហើយលើកម៉ូតូដាក់លើរថយន្ត បើកចេញទៅបាត់។
ពាក់ព័ន្ធនឹងការឃាត់ខ្លួនបុរស ២នាក់ខាងលើនេះ សមត្ថកិច្ចខណ្ឌសែនសុខ បានបង្ហើបប្រាប់ថា ការឃាត់ខ្លួនជនទាំង២នាក់នេះ គឺពាក់ព័ន្ធនឹងករណីប្លន់បាញ់សម្លាប់ជនជាតិជប៉ុនម្នាក់ កាលពីពេលកន្លងទៅ៕ ហេង នាង
