ស្នងការក្រុងនឹងព្រមាន ដល់មន្ត្រីថ្នាក់ក្រោមរបស់ខ្លួនបើរកឃើញថា បានប្រព្រឹត្តអំពើពុករលួយ
ភ្នំពេញ៖ ក្នុងពិធីផ្ទេរតំណែងនិងតំឡើងឋានន្តរសក្តិ ដល់មន្ត្រីនគរបាល ឯស្នងការនគរបាលជាតិ កាលពីថ្ងៃទី០៦ ខែមិនា ព្រឹកមិញនេះ ស្នងការក្រុងភ្នំពេញ បានធ្វើការព្រមាន ដល់មន្ត្រីថ្នាក់ក្រោមរបស់ខ្លួន ថា ពួកគេនឹងទទួលទោស បើរកឃើញថា បានប្រព្រឹត្តអំពើពុករលួយ ។
លោកឧត្តមសេនី ឯក ជួន សុវណ្ណ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានថ្លែងសំដៅដល់មន្ត្រីន គរបាលមួយចំនួន ដែលបានធានាពីការរត់ការ ដើម្បីតម្លើងសកក្ដិ ។ ចំពោះករណីនេះលោកបាននិយាយថា អ្នកដែលត្រូវបានគេបង្គាប់ឲ្យបង់លុយ ដើម្បីបានឡើងសក្ដិ ត្រូវតែធ្វើសេចក្ដីរាយការ មកលោកដើម្បីចាត់វិធានការ ។
ជាមួយគ្នានោះដើម្បីទប់ស្កាត់ភាពអសកម្ម និង ការពារសន្តិសុខសុវត្ថិភាព ដល់ប្រជាពលរដ្ឋ លោកបានឲ្យដឹងថា ស្នងការក្រុងភ្នំពេញ បានបង្កើតកម្លាំង អន្តរាគមន៏ពិសេស ដែលមានគ្នា ៨០នាក់ ដើម្បីធ្វើការត្រួតពិនិត្យ នៅតាមខណ្ឌទាំង ៩ ក្នុងក្រុងភ្នំពេញ ៕
