ក្រុមចោរ ៣នាក់វាយប្លន់ អ្នករត់ម៉ូតូឌុបយកម៉ូតូទៅបាត់
ភ្នំពេញ៖ កាលពីវេលាម៉ោង ១២ និង៤៥នាទីរំលងអាធ្រាត្រ ឈានចូលថ្ងៃទី២៨ ខែកុម្ភៈ ក្រុមចោរមានគ្នា ៣នាក់បានវាយ បុរសរត់ម៉ូតូឌុបម្នាក់ ឲ្យរងរបួស បែកមុខ បែកមាត់ នៅផ្សារតូច សង្កាត់ទួលសង្កែ ខណ្ឌឬស្សីកែវ ហើយប្លន់យក ម៉ូតូ ទៅបាត់ដោយសុវត្ថិភាព។
បើយោងតាមការរៀបរាប់របស់ជនរងគ្រោះ ឈិត សុខ អាយុ ៣៥ឆ្នាំ ស្នាក់នៅផ្ទះជួល ក្នុងភូមិសាមគ្គី ទួលសង្កែ ខណ្ឌឬស្សីកែវ បានឲ្យដឹងថា នៅវេលាម៉ោងកើតហេតុ ខណៈដែលរូបគាត់ កំពុងជិះម៉ូតូត្រឡប់ពីឌុបភ្ញៀវដាក់ផ្ទះនោះ ដល់ចំណុចកើតហេតុ ស្រាប់មានមនុស្ស ៣នាក់ ជិះម៉ូតូវីវ៉ាមកទាញក អាវគំរាមឲ្យឈប់ ហើយវាយជាច្រើនដៃ យកម៉ូតូសង់សេ១២៥ ពាក់ស្លាកលេខ កំពង់ចាម 1E-3506 ទៅបាត់តែ ម្តង។
ក្រោយពេលកើតហេតុជនរងគ្រោះ បានទៅដាក់ពាក្យបណ្តឹងនៅប៉ុស្តិ៍នគរបាលសង្កាត់ទួលសង្កែផងដែរ តែលទ្ធផលនៃការស្រាវជ្រាវយ៉ាងណានោះ គឺពឹងលើជំនាញរបស់សមត្ថកិច្ច៕ ហេង នាង
