បុរសម្នាក់ស្លាប់នៅនឹងកន្លែងកើតហេតុដោយជិះម៉ូតូទៅប៉ះនឹងរថយន្ត
ភ្នំពេញ៖ កាលពីវេលាម៉ោង៥និង១០នាទីព្រឹក ថ្ងៃទី២៦ ខែកុម្ភៈ មានគ្រោះថ្នាក់ចរាចរមួយបានកើត ឡើងរវាងម៉ូតូណាយហត នឹងរថយន្តសាំំយ៉ុងប៉ះគ្នាបណ្ដាលឲ្យបុរសម្នាក់ជាម្ចាស់ម៉ូតូ បានស្លាប់ភ្លាមៗនៅនឹង កន្លែងកើតហេតុ ស្ថិតនៅតាមបណ្ដោយផ្លូវសហព័ន្ធរុស្ស៊ី ភូមិចំការឪឡឹក សង្កាត់កាកាប ខណ្ឌពោធិ៍សែនជ័យ។
ជនរងគ្រោះឈ្មោះធី រស់នៅភូមិព្រៃទា សង្កាត់ចោមចៅ ខណ្ឌពោធិ៍សែនជ័យ ពាក់អាវសដៃខ្លី ស្លៀកខោជើង អាយុប្រមាណជា៣០ឆ្នាំ ជាម្ចាស់ម៉ូតូម៉ាកណាយហត ពាក់ស្លាកលេខ ភ្នំពេញ 1AC-6427 បានបាត់បង់ ជីវិតបន្ទាប់ពីកើតហេតុ។ រីឯអ្នកបើកបររថយន្តបានរត់គេចខ្លួនបាត់។
ប្រភពព័ត៌មានពីកន្លែងកើតហេតុបាន ឲ្យដឹងថា មុនពេលកើតហេតុគេឃើញម៉ូតូម៉ាកណាយហត បើកបរក្នុងទិស ដៅពីលិចទៅកើត រីឯរថយន្តម៉ាកសាំយ៉ុងបើកបរក្នុងទិសដៅបញ្ច្រាសទិសគ្នាពីកើតទៅ លិច លុះមកដល់ចំណុច ម៉ូតូនិងរថយន្តក៏ប៉ះគ្នាបណ្ដាលឲ្យជនរងគ្រោះដួលម៉ូតូស្លាប់នៅ នឹងកន្លែងតែម្ដង។
ក្រោយកើតហេតុម៉ូតូនិងរថយន្តត្រូវ បានសមត្ថកិច្ចជំនាញចុះវាស់វែង និងអូសរថយន្តយកមករក្សាទុកនៅអធិការ ដ្ឋាននគរបាលខណ្ឌពោធិ៍សែនជ័យ ចំណែកសពរង់ចាំសាច់ញាតិមកទទួលយកទៅធ្វើបុណ្យ៕ ហេង នាង
