ផ្ទះផ្សារដែកមួយកន្លែងត្រូវអគ្គិភ័យឆាបឆេះ
ភ្នំពេញ៖ កាលពីវេលាម៉ោង ១១និង០០នាទី ថ្ងៃទី១៨ ខែកុម្ភៈ ផ្ទះផ្សារដែកមួយកន្លែង ធ្វើអំពីឈើ ប្រក់ស័ង្កសី ត្រូវអគ្គិភ័យឆាបឆេះយ៉ាងសន្ធោសន្ធៅ ដែលបង្កឡើងដោយសារ ការឆ្លងចរន្តភ្លើងដែលតយកមកផ្សារដែក បណ្ដាលឲ្យឆេះខ្ទេចទាំងស្រុង មានទីតាំងផ្ទះលេខ ៤០២ ក្រុមទី៤ ភូមិឃ្លាំងក្រសាំង សង្កាត់ឬស្សីកែវ ខណ្ឌឬស្សីកែវ។
ប្រធានការិយាល័យពន្លត់និងបង្ការគ្រោះអគ្គិភ័យ លោក នេត វត្ថា បានឲ្យដឹងថា ហេតុការណ៍គ្រោះអគ្គិភ័យនេះបណ្ដាលឲ្យមនុស្ស៤នាក់រងរបួស ប៉ុន្តែពុំបណ្តាលឲ្យរាលដាលដល់ផ្ទះបងប្អូនប្រជាពលរដ្ឋដែលនៅរស់នៅ ក្បែរកន្លែងកើតហេតុនោះទេ ដោយសារលោកបានដឹកនាំកម្លាំង និងរថយន្តពន្លត់អគ្គិភ័យនៃស្នងការដ្ឋាននគរបាលរាជធានីភ្នំពេញចុះមក អន្តរាគមន៍បានទាន់ពេលវេលា ដែលក្នុងនោះគេប្រើប្រាស់ឡានទឹកអស់ចំនួន៤គ្រឿងទើបអាចពន្លត់ អណ្តាតភ្លើងឲ្យរលត់៕ ហេង នាង
