កាប់សម្លាប់អ្នកកាសែតម្នាក់និងប្រពន្ធ ឃាតកជាប្អូនប្រុសជនរងគ្រោះ
សារព័ត៌មាន Cambodia News/
កំពង់ឆ្នាំ (៣១ មីនា ២០១៧) ៖ ស្នងការនគរបាលខេត្តកំពង់ឆ្នាំងបានឲ្យដឹងនៅរសៀលថ្ងៃទី៣០ ខែមីនា ឆ្នាំ២០១៧នេះ កម្លាំងនគរបាលជំនាញ និងកម្លាំងនគរបាលមូលដ្ឋានតាមស្រាវជ្រាវ និងចាប់ខ្លួនជនដៃដល់ម្នាក់ ដែលបានកាប់សម្លាប់បងស្រីបង្កើតរបស់ខ្លួន និងបងថ្លៃជាអ្នកកាសែត បណ្តាលឲ្យស្លាប់ទាំង២នាក់ ស្ថិតនៅភូមិសំរោង ឃុំលង្វែក ស្រុកកំពង់ត្រឡាច ។
នគរបាលខេត្តកំពង់ឆ្នាំងបានបញ្ជាក់ថា បងថ្លៃជនសង្ស័យឈ្មោះ ហែម ឆន ជាប្រធានគណៈកម្មការហិរញ្ញវត្ថុ នៃសមាគមអ្នកកាសែតខ្មែរសន្តិភាព និងប្រពន្ធរបស់ខ្លួន (បងស្រីបង្កើតជនសង្ស័យ) បានស្លាប់ដោយសារតែប្អូនប្រុសបានយកពូថៅកាប់ (មើលតាមលិខិតបញ្ជាក់របស់ក្លិប)។
ប្រភពដដែលបន្តថា ជនដៃដល់មុនដំបូង បានកាប់ទៅលើប្តី រួចហើយប្រពន្ធ បានរត់ទៅឲ្យគេជួយតែដោយសារផ្ទះគាត់នៅឆ្ងាយពីគេ ហើយនៅក្បែរនោះមានតែស្ត្រីទើបឆ្លងទន្លេគ្មានអ្នកផ្សេង ចឹងប្រពន្ធរត់មកមើលប្តីវិញ ស្រាប់តែជនដៃដល់បានកាប់បងស្រីខ្លួនឯងបន្តទៀត រហូតស្លាប់ទាំង២នាក់តែម្តង”។
យ៉ាងណាក៏ដោយចំពោះមូលហេតុនោះ មិនត្រូវបានលោកស្នងការបញ្ជាក់ឲ្យច្បាស់នៅឡើយទេ ដោយលោកថា ជនសង្ស័យជាមនុស្សវិកលចរឹក ហើយកាលពីមុនក៏ធ្លាប់ដេញកាប់គេផងដែរ។ នៅពេលនេះ កម្លាំងនគរបាលរបស់យើងកំពុងស្រាវជ្រាវ ដើម្បីចាប់ខ្លួនចាត់ការតាមនីតិវិធីច្បាប់៕
