ហាងលក់សម្ភារៈបោះពុម្ភ និងក្រដាសមួយកន្លែងត្រូវចោរចូលប្លន់
ភ្នំពេញ៖ កាលពីវេលាម៉ោង7និង30នាទីយប់ ថ្ងៃទី៣ ខែមករា ម្ចាស់ហាងលក់សម្ភារៈបោះពុម្ភ និងក្រដាសមួយកន្លែងមានយីហោឈ្មោះ ថា សូពៅ ស្ថិតនៅផ្ទះលេខ38c ផ្លូវម៉ៅសេទុង សង្កាត់បឹងត្របែក ខណ្ឌចំការមន ត្រូវចោរប្លន់ប្រដាប់អាវុធពីរនាក់ចូលធ្វើសកម្មភាពប្លន់យក គ្រឿងអលង្ការអស់មួយចំនួនធំ។
ករណីប្លន់ប្រដាប់អាវុធនេះសមត្ថកិច្ចបានឲ្យដឹងថា មុនពេលកើតហេតុ ម្ចាស់ហាងទើបតែត្រឡប់ចេញពីញុំាភោជនីយអាហារ អាពាហ៍ពិពាហ៍បងប្អូន លុះពេលមកដល់ចំណុចកើតហេតុខាងលើ ស្រាប់តែមានជនសង្ស័យពីរនាក់ ចូលធ្វើសកម្មភាពប្លន់យកគ្រឿងអលង្ការពីគាត់តែម្ដង។
ចំពោះករណីនេះពុំទាន់មានពត៌មានលម្អិតអាចបញ្ជាក់ថា ក្រុមចោរធ្វើសកម្មភាពប្លន់យកគ្រឿងអលង្ការអស់ប៉ុន្មាននៅឡើយទេ ប៉ុន្តែសមត្ថកិច្ចអះអាងថា ក្រុមចោរប្លន់យកបានគ្រឿងអលង្ការមួយចំនួន ។
បច្ចុប្បន្នសមត្ថកិច្ចមិនទាន់បញ្ជាក់ពីអត្តសញ្ញាណម្ចាស់ផ្ទះនៅឡើយទេ ដោយសារម្ចាស់ផ្ទះ សំណូមពរមិនចង់ឲ្យមានការផ្សព្វផ្សាយពត៌មានតាមទំព័រកាសែត៕
ដោយ៖ ហេង នាង
