រថយន្តដឹកបន្លែក្រឡាប់ ស្ត្រីម្នាក់ធ្លាក់បោកក្បាលទៅនឹងថ្នល់ស្លាប់
ភ្នំពេញ៖ កាលពីវេលាម៉ោង ១ និង ២០ នាទីរសៀលថ្ងៃទី ០២ ខែមករា ស្ត្រីម្នាក់បានស្លាប់បាត់បង់ជីវិតខណៈដែលស្ត្រីរូបនេះបានជិះពីលើរថយន្តដឹកបន្ត ហើយត្រូវរថយន្តដឹកបន្លែបើកគេចជាមួយរថយន្តដឹកប្រេងសាំងក្រឡាប់ ផ្ងារជើង បណ្ដាលឲ្យដួលធ្លាក់ពីលើរថយន្តបោកក្បាលនិងថ្នល់ស្លាប់ ភ្លាមៗ ស្ថិតនៅតាមបណ្ដោយផ្លូវជាតិលេខ ១ ភូមិក្បាលជ្រោយ សង្កាត់ព្រែកឯង ខណ្ឌមានជ័យ ។
មុនពេលកើតហេតុគេសង្កេតរថយន្តហ៊ីយ៉ាន់ដាយ មួយគ្រឿង ពណ៌ខៀវ ១តោនកន្លះ ដឹកបន្លែពេញតែម្តង និងមានស្ត្រីវ័យជាង ៤០ ឆ្នាំបានជិះនៅលើបន្លែក្នុងរថយន្តនោះ ហើយរថយន្តនេះបានបើកបរក្នុងទិសដៅពីកើតទៅលិច តាមបណ្ដោយផ្លូវជាតិលេខ ១ ខណៈបើកមកដល់ចំណុច មុខស្ថានីយប្រេងឥន្ទនៈ កាល់តិច មួយកន្លែងក្នុងភូមិក្បាលជ្រោយសង្កាត់ ព្រែក ឯង ខណ្ឌមានជ័យ ស្រាប់តែមានរថយន្តដឹកប្រេង សាំង មួយគ្រឿងបានបើកបរបញ្ច្រាសទិសគ្នាជាមួយរថយន្តហ៊ីយ៉ានដាយ ខណៈរថយន្តហ៊ីយ៉ានដាយបានទាញចង្កូតគេចពី រថយន្តដឹកប្រេងសាំង ក៏បណ្ដាលឲ្យផ្អៀងក្រឡាប់ផ្ងារជើង។
ចំណែកស្ត្រីម្នាក់ដែលជិះលើកបន្លែក្នុងរថយន្តខាងលើនេះបានធ្លាក់ រថយន្តបោកក្បាលទៅថ្នល់ស្លាប់។ សមត្ថកិច្ចនៅមិនទាន់ស្គាល់អត្តសញ្ញាណស្ត្រីដែលស្លាប់បាត់បង់ជីវិត នៅឡើយទេ ព្រោះដោយសារគ្មានអ្នកស្គាល់ ។
ក្រោយពីកើតហេតុសមត្ថកិច្ចមូលដ្ឋានបានសហការជាមួយនឹងនគរបាលចរា ចរណ៍ខណ្ឌមានជ័យ ធ្វើការវាស់វែង នាំយករថយន្តទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញ ដើម្បីដោះស្រាយតាមនីតិវិធីច្បាប់ ៕
ដោយ៖ ហេង នាង
