ក្រសួងបរិស្ថាន និងទីភ្នាក់ងារJICA នឹងចុះហត្ថលេខាលើគម្រោងលើកកម្ពស់បរិស្ថាន នារសៀលនេះ
សារព័ត៌មាន Cambodia News/
ភ្នំពេញ (០៦ មីនា ២០១៧) ៖ ក្រសួងបរិស្ថាន និង ទីភ្នាក់ងារសហប្រតិបត្តិការអន្តរជាតិជប៉ុន(JICA) ដែលមានការិយាល័យនៅកម្ពុជា នឹងចុះហត្ថលេខាលើកិច្ចព្រមព្រៀងស្តីពី «គម្រោងសម្រាប់ជួយដល់ការអនុវត្តប្រកបដោយប្រសិទ្ធភាពនូវការវាយតម្លៃហេតុប៉ញពាល់បរិស្ថាន និងការត្រួតពិនិត្យការបំពុលបរិស្ថានតាមរយៈការអភិវឌ្ឍសមត្ថភាពនៃក្រសួងបរិស្ថាន» ក្នុងគោលបំណងធ្វើឱ្យប្រសើរឡើងនូវប្រសិទ្ធភាពនៃការអនុវត្តការងារវាយតម្លៃហេតុផលប៉ះពាល់បរិស្ថាន និងត្រួតពិនិត្យការបំពុលនៅក្នុងព្រះរាជាណាចក្រកម្ពុជា។
ពិធីនេះ នឹងប្រព្រឹត្តទៅនៅថ្ងៃទី៦ ខែ មីនា ឆ្នាំ ២០១៧ វេលាម៉ោង ២ រសៀល នៅបន្ទប់តៅ សេងហួរ ទីស្តីការក្រសួងបរិស្ថាន។ អាស្រ័យហេតុនេះ សូមអ្នកសារព័ត៌មានជាតិ និងអន្តរជាតិចូលរួមយលព័ត៌មានដោយអនុគ្រោះ។។ នេះបើយោងតាមសេចក្ដីប្រកាសព័ត៌មានរួម ដែលអ្នកសារព័ត៌មានទទួលបាន ៕
