ហ៊ុន សែន ប្រតិកម្មពាក្យ ចរចាម អារាម ថា លោកដាច់សរសៃឈាមខួរក្បាលស្លាប់
នាង/ សារព័ត៌មានយុវវ័យថ្មី/ Cambodia News /
កំពត (១០ មិថុនា ២០១៤) ៖ លោក ហ៊ុន សែន នាយករដ្ឋមន្ដ្រី កម្ពុជា បានបញ្ចេញប្រតិកម្មនឹងពាក្យចរចាមអារាម ក៏ដូចជា ព័ត៌មានមួយចំនួន ដែលបង្ហោះតាមបណ្ដាញ ទំនាក់ទំនងហ្វេកប៊ុកថា លោកដាច់សរសៃឈាមខួរក្បាលស្លាប់ ។
ថ្លែងនៅក្នុង ក្នុងពិធីសំណេះសំណាលជាមួយយោធិនពិការនៅមជ្ឈមណ្ឌលតាកែនកោះស្លា នាព្រឹកថ្ងៃទី១០ ខែមិថុនា នេះ លោក ហ៊ុន សែន បានបញ្ជាក់ថា “នេះ គឺហ៊ុន សែន ចេះតែបន់ឱ្យខ្ញុំងាប់ កុំសង្ឃឹមរង់ចាំឱ្យហ៊ុន សែន ងាប់ មិនងាយទេ។
លោក ហ៊ុន សែន បានបញ្ជាក់ថា ព័ត៌មាននិងពាក្យចរចាមអារាមទាំងនេះ ចេញមកពីប្រទេសអូស្ដ្រាលី ហើយលោក ក៏បានផ្ដាំផ្ញើទៅអ្នកដែលចង់ឱ្យលោកស្លាប់ គួរថែរទាំសុខភាពរបស់ខ្លួនឱ្យបានល្អទៅបានហើយ ហើយធ្វើជាមនុស្សកុំបន់ឱ្យគេស្លាប់៕
-
