បត់រថយន្តត្រឡប់ក្រោយជ្រុលចង្កូតទៅកៀររនាំងដែកពុះចែកផ្លូវទ្រេតអស់៥ផ្ទាំង
ភ្នំពេញ ៖ កាលពីវេលាម៉ោង ១និង ៥០នាទីរំលង អធ្រាត្រឈានចូលថ្ងៃទី១៧ ធ្នូ រថយន្តកូរ៉ូ ឡាបត់ត្រឡប់ក្រោយ ជ្រុលចង្កូតទៅកៀររនាំងដែកពុះចែកផ្លូវ ទ្រេតអស់ ៥ផ្ទាំង ធ្វើឲ្យរថ យន្តដាច់កាឡេមុខខាងឆ្វេងទៅមុខលែងរួច ស្ថិតតាមមហាវិថីព្រះមុនីវង្ស មុខផ្សារទំនើប Big A ចាស់ ក្នុងសង្កាត់ បឹងរាំង ខណ្ឌដូនពេញ ។
ប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុ រថយន្តកូរ៉ូឡា ពណ៌ស បើកបរដោយបុរសម្នាក់ ក្នុងទិសដៅពីជើងទៅត្បូង ខណៈមកដល់ចំណុចខាងលើបានបត់ ត្រឡប់ក្រោយ ជ្រុលចង្កូតទៅកៀររនាំងដែកពុះចែកផ្លូវទ្រេត អស់ ៥ផ្ទាំង បណ្តាលឲ្យរថ យន្តដាច់កាឡេ ទៅមុខលែងរួច ។
ក្រោយពេលកើតហេតុ រថយន្តបង្ក ត្រូវសមត្ថកិច្ចស្ទួចយកទៅរក្សាទុក នៅសាលារាជធានីភ្នំពេញ ៕
ដោយ៖ ហេង នាង
