រដ្ឋមន្ត្រីកសិកម្មស្នើឲ្យអាជ្ញាធរខេត្តកំពង់ចាមទប់ស្កាត់ចលនាបក្សីនៅតំបន់ផ្ទុះផ្តាសាយបក្សី
សារព័ត៌មាន Cambodia News/
ភ្នំពេញ (១២ ធ្នូ ២០១៧) ៖ រដ្ឋមន្ត្រីក្រសួងកសិកម្ម រុក្ខាបប្រមាញ់ និងនេសាទ បានស្នើឲ្យគណៈកម្មការចម្រុះខេត្តកំពង់ចាមទប់ស្កាត់ចលនាបក្សី និងផលិតផលមាននដើមកំណើតពីបក្សីចេញពីភូមិកោះស្វាយ ឃុំត្រពាំងព្រះ ស្រុកព្រៃឈរ ខេត្តកំពង់ចាម ជាបណ្តោះអាសន្ន ដើម្បីទប់ស្កាត់នៅការឆ្លងរាលដាល់ជំងឺផ្តាសាយបក្សី។
រដ្ឋមន្ត្រីក្រសួងកសិកម្ម រុក្ខាបប្រមាញ់ និងនេសាទ លោកវេង សាខុន បានបញ្ជាក់ថា តាមលទ្ធផលវិភាគ របស់វិទ្យាស្ថានជាតិស្រាវជ្រាវសុខភាពសត្វ និងផលិតកម្មសត្វ នៃអគ្គនាយកដ្ឋានសុខភាពសត្វ និងផលិតកម្មសត្វ ដែលបានធ្វើវិភាគរកមេរោគផ្តាសសាយបក្សីលើសំណាកសត្វមាន់ចំនួនពីរក្បាលពីភូមិកោះស្វាយ ឃុំត្រពាំងព្រះ ស្រុកព្រៃឈរ ខេត្តកំពង់ចាម ត្រូវបានរកឃើញវត្តមានជំងឺផ្តាសាយបក្សីដោយវីរុសក្នុងអនុក្រុម A1 (H5N1)។
ហេតុនេះសូមគណៈកម្មការចម្រុះខេត្តកំពង់ចាម និងអាជ្ញាធរគ្រប់លំដាប់ថ្នាក់ផ្តល់កិច្ចសហការក្នុងការអនុវត្តវិធានបច្ចេកទេសរបស់មន្ត្រីជំនាញមានសមត្ថកិច្ចក្នុងការពង្រឹងការទប់ស្កាត់ចលនាបក្សី និងផលិតផផលមានដើមកំណើតពីបក្សីជាបណ្តោះអាសន្នចេញពីតំបន់ផ្ទុះជំងឺឆ្លងខាងលើក្នុងរង្វង់កាំបីគីឡូម៉ែត្រ ដើម្បីអនុវត្តវិធានបច្ចេកទេសបសុពេទ្យប្រកបដោយប្រសិទ្ធភាពខ្ពស់៕
