កូរ៉េខាងត្បូងបាញ់ព្រមាននាវាពីរគ្រឿងកូរ៉េខាងជើង
សារព័ត៌មាន Cambodia News/
កូរ៉េខាងត្បូង (២៦ មេសា ២០១៤) ៖ ដំណើរទស្សនកិច្ចរបស់លោកបារ៉ាក់ អូបាម៉ា ប្រធាននាធិបតីអាមេរិក បានមកដល់ទីក្រុងសេអូល ប្រទេស កូរ៉េខាងត្បូងហើយ មុនពេលដែល កងទ័ពជើងទឹកកូរ៉េខាងត្បូង បានបាញ់គម្រាមនាវាពីរគ្រឿង របស់កូរ៉េខាងជើង ក្រោយពីនាវាទាំពីរនេះ បានឆ្លងកាត់ព្រំដែនសមុទ្រ រវាងកូរ៉េទាំងពីរ កាលពីថ្ងៃសុក្រ។
បើតតាម មន្ត្រីប្រចាំតំបន់ បាននិយាយថាកងទ័ពល្បាតជើងទឹក របស់កូរ៉េខាងត្បូង ទំនងជា ដេញតាមទូកនេសាទខុសច្បាប់របស់ចិននៅក្នុងតំបន់ដែលមានជម្លោះនោះ។ មន្ត្រីដដែល បានបន្ថែមទៀតថា ក្រៅពីការសន្និដ្ឋានបែនេះ កូរ៉េខាងត្បូងប្រហែលជាចង់ត្រួតពិនិត្យកងទ័ព របស់កូរ៉េខាជើង។
គួរបញ្ជាក់ថា កូរ៉េខាងជើង មិនបានទទួលស្គាល់នូវព្រំដែនសមុទ្រលឿង រវាងកូរ៉េទាំងពីរជាផ្លូវការ នោះឡើយ ពោលគឺកងទ័ព អង្គការសហប្រជាជាតិរបស់អាមេរិកទេ ដែលបានសម្រេចកំណត់ព្រំដែន រវាងកូរ៉េទាំងពីរ ក្រោយពីសង្គ្រាមកូរ៉េ នៅឆ្នាំ១៩៥០-1953មកម្លេះ។
គួរកត់សម្គាល់ថា ភាពតានតឹង មានកម្រិតខ្ពស់នៅលើឧបទ្វីបកូរ៉េ ដោយមានការចង្អុលបង្ហាញច្រើនដែល កូរ៉េខាងជើង ត្រៀមរៀបចំ ផែនការ ដើម្បីអនុវត្តការធ្វើតេស្តនុយក្លេអ៊ែរជាលើកទីបួន។កន្លងមក កូរ៉េខាងជើង បានអនុវត្តការធ្វើតេស្តនុយក្លេអ៊ែរ ៣លើកហើយ គឺលើកទី១ នៅឆ្នាំ២០០៦ លើកទី២ នៅឆ្នាំ២០០៩ និងលើកទីបី នៅឆ្នាំ ២០១៣៕