នៅឆ្នាំ២០៣០ ក្រសួងគ្រោងធ្វើការស្ថាបនាផ្លូវតាមភូមិឪ្យបាន ៧៥% នៃភូមិសរុបចំនួន១៤៥៧៧
Cambodia News/
ភ្នំពេញ ៖ ឯកឧត្តម ឆាយ ឫទ្ធិសែន រដ្ឋមន្រ្តីក្រសួងអភិវឌ្ឍន៍ជនបទថ្លែងថា នៅឆ្នាំ២០៣០ ក្រសួងគ្រោងធ្វើការស្ថាបនាផ្លូវនៅតាមភូមិឪ្យបាន ៧៥% នៃភូមិសរុបចំនួន ១៤៥៧៧ នៅទូទាំងប្រទេស។
ឯកឧត្តមរដ្ឋមន្រ្តីថ្លែងថា បច្ចុប្បន្នយើងមានផ្លូវកៅស៊ូ ឬផ្លូវបេតុងប្រហែល ១៧% និងមានប្រវែងសរុបប្រមាណ ១មុឺនគីឡូម៉ែត្រ ហើយទៅថ្ងៃអានាអត ពោលនៅឆ្នាំ២០៣០ ក្រសួងគ្រោងធ្វើការស្ថាបនាផ្លូវឪ្យបានគ្រប់ភូមិ ឬក៏ភូមិ ៧៥% នៃភូមិសរុបចំនួន ១៤៥៧៧ មានផ្លូវតភ្ជាប់ដោយក្រាលកៅស៊ូ និងបេតុង។
ឯកឧត្តមរដ្ឋមន្ដ្រីបន្តថា ក្នុងមួយឆ្នាំយើងមានថវិកាប្រមាណតែ ៧៥លានដុល្លារ មិនអាចឆ្លើយតបគ្រប់គ្រាន់ជាមួយនិងការលើសកម្រិតគុណភាពពីផ្លូវល្បាយគ្រោះ ឬផ្លូវដីសរ ទៅជាផ្លូវបេតុង ឬផ្លូវកៅស៊ូពីរជាន់ទេ។
ដូច្នេះដើម្បីសម្រេចទៅតាមផែនការរបស់ក្រសួងអភិវឌ្ឍន៍ជនបទ ធ្វើយ៉ាងណាឪ្យជនបទក្លាយទៅជា ជនបទសមាហរណកម្ម ជាជនបទដែលមានវិបុលភាព សុីវីល័យ មានប្រព័ន្ធផ្លូវខ្វាត់ខ្វែងនោះ យើងត្រូវការថវិការបន្ថែម គឺរាជរដ្ឋាភិបាលដែលមានក្រសួងសេដ្ឋកិច្ច និងហិរញ្ញវត្ថុជាសេនាធិការទំនាក់ទំនងរកដៃគូអភិវឌ្ឍន៍ពីខាងក្រៅ និងអាចមានថវិកាច្រើនជាងនេះពីរដង ដើម្បីធ្វើការវិនិយោគ។
ឯកឧត្តមថ្លែងបន្តថា តាមការស្រាវជ្រាវរបស់ADB បង្ហាញថា គោលនយោបាយនៃការគ្រប់គ្រងអភិវឌ្ឍន៍ផ្លូវជនបទនៅកម្ពុជារហូតដល់ឆ្នាំ២០៣០ គឺត្រូវការថវិកាប្រមាណ ៦០លានដុល្លារ – ៩០លានដុល្លារអអាមេរិក ដើម្បើធ្វើការថែទាំផ្ផ្លូវថ្នល់ និងឈានទៅសម្រេចចក្ខុវិស័យកម្ពុជាក្លាយជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០៕
