សម្តេចតេជោ សម្រេចលើកពេលបិទសន្និបាតក្រសួងមហាផ្ទៃ និង សម្ពោធដាក់ឱ្យដំណើរការសណ្ឋាគារ «ហៃយ៉ាត់ រីជិនស៊ី ភ្នំពេញ»
សារព័ត៌មាន Cambodia News/
ភ្នំពេញ (២៣ កុម្ភៈ ២០២១) ៖សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានសម្រេចឲ្យមានការលើកពេលការរៀបចំសន្និបាតបូកសរុបលទ្ធផលការងារឆ្នាំ២០២០និងលើកទិសដៅការងារ ឆ្នាំ២០២១ របស់ក្រសួងមហាផ្ទៃ និងលើកពេលពិធីសម្ពោធដាក់ឱ្យដំណើរការសណ្ឋាគារ «ហៃយ៉ាត់ រីជិនស៊ី ភ្នំពេញ (Hyatt Regency Phnom Penh)» ។
នេះបើយោងតាមរយៈសារសំឡេងសម្តេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃនៅយប់ថ្ងៃទី២២ ខែកុម្ភៈ ឆ្នាំ២០២១។
ដោយសារការរីករាលដាលជំងឺកូវីដ១៩ សន្និបាតបូកសរុបលទ្ធផលការ ងារឆ្នាំ២០២០ និង លើកទិសដៅការងារ ឆ្នាំ២០២១របស់ក្រសួងមហាផ្ទៃដែលគ្រោងនឹងរៀបចំឡើងនៅថ្ងៃទី ២៤ -២៥ ខែកុម្ភៈ ឆ្នាំ ២០២១ ដែលពិធីបិទសន្និបាតសន្និបាតបូកសរុបលទ្ធផលការងាររបស់ក្រសួងមហាផ្ទៃនេះគ្រោងនឹងធ្វើឡើងក្រោមអធិបតីភាពរបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជានៅល្ងាចថ្ងៃទី២៥ ខែកុម្ភៈ ឆ្នាំ២០២១ ត្រូវបានផ្អាកវិញ។
ដោយឡែកកម្មវិធីសម្ភោធសណ្ឋាគារ«ហៃយ៉ាត់ រីជិនស៊ីភ្នំពេញ»ដែលជាសណ្ឋាគារវិនិយោគរវាងខ្មែរនិងសហរដ្ឋអា មេរិកនៅថ្ងៃទី២៦ខែកុម្ភៈខាងមុខដែលសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន គ្រោងអញ្ជើញជាអធិបតីសម្ពោធដាក់ដំណើរការសណ្ឋាគារក៏ត្រូវបានលើកពេលផងដែរ ។
នេះដោយយោងទៅតាមបញ្ជាក់របស់តំ ណាងសណ្ឋាគារប្រាប់សារព័ត៌មាននៅទី២៣ កុម្ភៈនេះការសម្រេចផ្អាកកម្មវិធីនេះដើម្បីចូលរួមទប់ស្កាត់ការរីករាល ដាលជំងឺកូវីដ១៩ ៕
