កម្មករ កម្មការិនី រោងចក្រ មូន ផ្ទុះកូដកម្មដុតកង់ឡានទាំងព្រឹក
សារព័ត៌មាន Cambodia News/
ភ្នំពេញ (២៧ មិនា ២០១៤) ៖ នៅថ្ងៃទី២៦ ខែមីនា នេះ កម្មករ-កម្មការិនីរោងចក្រមូនប្រមាណពី៥០ទៅ៦០នាក់បានប្រមូលផ្តុំគ្នាតវ៉ា និងដុតកង់រថយន្ត ទាំងព្រឹក នៅខាងមុខរោងចក្រ ដែលមានទីតាំង តាមបណ្តោយផ្លូវទំនប់កប់ស្រូវ ភូមិ ជង្រុក សង្កាត់ត្រពាំងក្រសាំង ខណ្ឌពោធិ៍សែនជ័យ បង្កឲ្យមានការភ្ញាក់ផ្អើល ដល់ ប្រជាពលរដ្ឋ ស្មានតែមានករណី អគ្គិភ័យកើតឡើង ។
ប្រភពព័ត៌មានបានឲ្យដឹងថា ការប្រមូលផ្តុំគ្នាតវ៉ារបស់មានកម្មករ កម្មការិនី ទាំងព្រឹកនេះដើម្បីទាមទារនូវលក្ខខណ្ឌ ១៧ចំណុច ដែលកន្លងមក ទាមទារឲ្យភាគីខាងរោងចក្រ មានដំណោះស្រាយ ដែលអូសបន្លាយ អស់រយះពេល ២៦ថ្ងៃមកហើយ ។
ក្រោយការតវ៉ា និងការក្រោយការរំសាយ របស់ក្រុមកម្មករ រួចមក នៅវេលាម៉ោង ប្រមាណ ៨ព្រឹកថ្ងៃដដែលនេះ លោក ជា សុខហៀង ចៅក្រម សាលាដំបូង រាជធានីភ្នំពេញ រួមជាមួយលោក អភិបាលរង ខណ្ឌពោធិ៍សែនជ័យ និងមន្រ្តី ពាក់ ព័ន្ធ ជាច្រើនរូបទៀត បានមកអានដីការបង្គាប់ លេខ០៦ណ ចុះថ្ងៃទី១៣ ខែមីនា ឆ្នាំ២០១៤។
ដីការបង្គាប់ នោះដម្រូវឲ្យកម្មកររោងចក្រ រោងចក្រខាងលើ បញ្ឈប់នូវសកម្មភាព ធ្វើបាតុកម្មក កូដកម្ម ក្នុងរយះ ពេល៤៨ម៉ោង ចាប់ ពីទទួល បានដីកាបង្គាប់ និងបញ្ឈប់សកម្មភាពដាក់មេក្រូ និងឧបលរណ៍បំពង សំឡេង នៅមុខរោងចក្រ ខាងលើ។ ប្រភពបានបញ្ជាក់ថា ក្រោយអានដីការបស់ចៅក្រម រួចមក ក្រុមកម្មករ ប្រមាណ ៩០ភាគរយ បានត្រឡប់ចូលធ្វើការ ដូចធម្មតាវិញ៕
