ពលរដ្ឋអាចទូរស័ព្ទប្តឹងករណីប៉ូលិសចរាចរណ៍ បំពេញភារកិច្ចមិនប្រក្រតី
សារព័ត៌មាន Cambodia News/
ភ្នំពេញ (១២ ធ្នូ ២០១៥) ៖ អគ្គស្នងការរងម្នាក់ បានប្រកាសប្រាប់ដល់ពលរដ្ឋទូទៅ អំពីលេខទូរស័ព្ទផ្ទាល់ខ្លួន របស់ជំនួយការ និងលេខប្រចាំការ២៤ម៉ោង ដើម្បីទុកសម្រាប់ឲ្យប្រជាពលរដ្ឋ ទូរស័ព្ទប្តឹង ក្នុងករណីប៉ូលិសចរាចរណ៍ ផាកពិន័យមិនចេញវិក្កយបត្រ ឬសំឡុតយកម៉ូតូ ទៅស្នងការដ្ឋានក្រុង។
កន្លងមក លោក ជួន សុវណ្ណ អគ្គស្នងការរងនគរបាលជាតិ និងជាស្នងការនគរបាល រាជធានីភ្នំពេញ បានមានប្រសាសន៍ថា “បើមានប៉ូលិសចរាចរណ៍ មួយរូបណា ផាកពិន័យ មិនចេញ វិក្កយបត្រ ឬប្រើពាក្យសំឡុតថា យកម៉ូតូ ឬរថយន្តទៅដាក់នៅស្នងការដ្ឋាន នោះ។
ដើម្បីជាលេសគាបសង្កត់ ទារយកប្រាក់ពី បងៗ ប្អូនៗ លោកពូៗ អ្នកមីងៗ ក្មួយៗ និង ចៅៗនោះ ! សូមពិនិត្យមើល ឈ្មោះនៅខាងលើហោប៉ៅ ខាងស្តាំ និងលេខសំគាល់ នៅលើហោប៉ៅខាងធ្វេង ឲ្យបានច្បាស់ ឬថតបានកាន់តែល្អ !”។
លោកស្នងការ ក៏ប្រកាសសូមផ្តល់ព័ត៌មាន មកកាន់លេខ លោកផ្ទាល់តាមរយៈ ០៩៥ ៣០៧ ៧៧៧ ឬ ជំនួយការលោក ឈ្មោះ ខៀវ កាណាល់ : ០៩៧ ៩៧ ៩៧ ៣៣៩ ! ប្រចាំបញ្ជាស្នងការដ្ឋាន រាជធានីភ្នំពេញ ទូរស័ព្ទ២៤ម៉ោង ខាងក្រោម: ០១២ ៩៩៩ ៩៩៩ ៕