សេចក្ដីព្រាងច្បាប់ស្ដីពីការត្រួតពិនិត្យគ្រឿងស្រវឹង គ្រោងនឹងដាក់ បញ្ជូនទៅគណៈរដ្ឋមន្រ្ដី អនុម័តនាពេល ឆាប់ៗខាងមុខ
សារព័ត៌មាន Cambodia News/
ភ្នំពេញ (១៣ កក្កដា ២០១៥) ៖ មន្រ្ដីជាន់ខ្ពស់ក្រសួងសុខាភិបាលបានឱ្យដឹងថា រហូតមកដល់ពេលនេះ ក្រសួងសុខាភិបាល និងអរន្ដក្រសួងបានបញ្ចប់នូវសេចក្ដីព្រាងច្បាប់ស្ដីពីការត្រួត ពិនិត្យផលិតផលគ្រឿងស្រវឹងរួចរាល់អស់ហើយ ដោយត្រៀមបញ្ជូនទៅគណៈ រដ្ឋមន្រ្ដីអនុម័តនាពេលឆាប់ៗខាងមុខ។
យោងតាមការសិក្សាស្រាវជ្រាវរបស់សាកលវិទ្យាល័យភូមិន្ទភ្នំពេញ កាលពី ចុងឆ្នាំ២០១៤បានបង្ហាញថា មានប្រជាពលរដ្ឋពេញវ័យលើសពី៥០ភាគរយ បានទទួលទានគ្រឿងស្រវឹង ក្នុងនោះមានបុរស៧៣ភាគរយ និងស្រ្ដី២៣ភាគរយ។
សេចក្ដីព្រាងច្បាប់ស្ដីពីការត្រួតពិនិត្យផលិតផលគ្រឿងស្រវឹង មានចំនួន១១ ជំពូក និង៣៩មាត្រា ហើយក្នុងនោះក៏បានចែងអំពីការដាក់ទោសទណ្ឌ និងបទ បញ្ញត្តិមួយចំនួនដល់អ្នកប្រើប្រាស់គ្រឿងស្រវឹង ពិសេសកម្រិតកន្លែងលក់គ្រឿង ស្រវឹង ការហាមលក់ឱ្យមនុស្សអាយុក្រោម២១ឆ្នាំ និងស្រ្ដីមានផ្ទៃពោះជាដើម ៕ ប្រភព៖ អគ្គស្នងការដ្ឋាននគរបាលជាតិ
