ត្រៀមបម្រុងទឹកសម្រាប់ប្រើប្រាស់អោយហើយទៅបងប្អូន
សារព័ត៌មាន Cambodia News/
ភ្នំពេញ (២៩ មីនា ២០១៩) ៖ យោងតាមរយៈគេហទំព័រ ហ្វេសប៊ុក រដ្ឋាករទឹកស្វយ័តក្រុងភ្នំពេញ បានចេញសេចក្តីជូនដំណឹង ស្តីពីការផ្អាកផ្គត់ផ្គង់ទឹកស្អាតមួយរយ:ពេលខ្លី នៅលេីផ្លូវលេខ១៨VS ក្នុងសង្កាត់វាលស្បូវ ខណ្ឌច្បារអំពៅ រាជធានីភ្នំពេញ នៅយប់ថ្ងៃអង្គារ៍ ទី០២ ខែមេសា ឆ្នាំ២០១៩ ចាប់ពីម៉ោង២០:០០នាទីយប់ ដល់ម៉ោង ២៤:០០នាទីយប់។
ទទឹមនឹងនេះដែរ រដ្ឋាករទឹកស្វយ័តក្រុង ភ្នំពេញ ក៏សូមចេញសេចក្តីជូនដំណឹង ស្តីពីការផ្អាកផ្គត់ផ្គង់ទឹកស្អាតមួយរយ:ពេលខ្លីនៅលេីផ្លូវលេខ៦០d ក្នុងសង្កាត់ដង្កោ ខណ្ឌដង្កោ រាជធានីភ្នំពេញ នៅយប់ថ្ងៃសុក្រ ទី០៥ ខែមេសា ឆ្នាំ២០១៩ ចាប់ពីម៉ោង២០:០០នាទីយប់ ដល់ម៉ោង ២៤:០០នាទីយប់។ សូមអានសេចក្ដីជូនដំណឹងខាងក្រោមនេះ។
យោងតាមសេចក្ដីជូនដំណឹង របស់រដ្ឋាករទឹកស្វយ័តក្រុង ភ្នំពេញ សូមជម្រាបជូន លោកអភិបាលច្បារអំពៅ ដែលមានខ្លឹមសារថា៖”កម្មវត្ថុ សំណើសុំកិច្ចសហការផ្ដល់ព័ត៌មានដល់ប្រជាពលរដ្ឋ ដែលមានលំនៅដ្ឋាន នៅក្នុងសង្កាត់វាលស្បូវ ខណ្ឌច្បារអំពៅ រាជធានីភ្នំពេញ អំពីការផ្អាកផ្គត់ផ្គង់ទឹកនៅយប់ថ្ងៃអង្គារ៏ ទី០២ ខែមេសា ឆ្នាំ២០១៩។
តាមសេចក្ដីជូនដំណឹងបានអោយដឹងថា រដ្ឋាករទឹកស្វយ័តក្រុងភ្នំពេញ គ្រោងកាត់ភ្ជាប់បណ្ដាញចែកចាយ ទឹកថ្មីទំហំ១៦០មម នៅលើចិញ្ចឹមផ្លូវលេខ១៨vs ហើយត្រូវផ្អាកកាតផ្គត់ផ្គង់ទឹកលើផ្លូវលេខ១៨vs ចាប់ពីផ្លូវលេខ២១vs ដល់ផ្លូវលេខ៣៧vs នៅក្នុងសង្កាត់វាលស្បូវ ខណ្ឌច្បារអំពៅ រាជធានីភ្នំពេញ នៅយប់ថ្ងៃអង្គារ៏ទី០២ ខែមេសា ឆ្នាំ២០១៩។
ការងារកាត់ភ្ជាប់បំពង់ទឹកថ្មីនេះ តម្រូវឱ្យរដ្ឋាករស្វយ័តក្រុងភ្នំពេញ ផ្អាកការផ្គត់ផ្គង់ទឹកមួយរយៈពេលខ្លីប្រមាណជា ០៤ម៉ោង គឺចាប់ពីម៉ោង ២០:០០នាទីយប់ ដល់ម៉ោង ២៤:០០នាទីយប់ និងអាចធ្វើឱ្យគុណភាពទឹកមានភាពល្អក់កករ ក្នុងរយៈពេលខ្លីក្រោយពេលកាត់បំពង់ទឹកថ្មីរួច។
អាស្រ័យហេតុនេះ សូមប្រជាពលរដ្ឋ ស្ថាប័នរោងចក្រ សហគ្រាស ដែលមានលំនៅដ្ឋាន និងទីតាំងខាងលើ ដែលនឹងត្រូវរងការខ្វះ ទឹករយៈពេលខ្លីនេះ ដើម្បីត្រៀមបម្រុងទឹកសម្រាប់ប្រើប្រាស់ ក្នុងរយៈពេលដូចបានជម្រាបជូនខាងលើ ដោយក្ដីអនុគ្រោះ”៕
