បន្លែ ៦ មុខពីវៀតណាម ដែលរកឃើញកំណកថ្នាំពុល ត្រូវបានមន្ត្រីជំនាញហាមនាំចូល
សារព័ត៌មាន Cambodia News/
កណ្ដាល (១៧ មិថុនា ២០២០) ៖ ក្រុមការងារគយ និងរដ្ឋាករចល័តប្រចាំច្រកអន្តរជាតិជ្រៃធំ បានសម្រេចហាមឃាត់ការនាំចូលបន្លែ ៦ មុខពីប្រទេសវៀតណាម បន្ទាប់ពីក្រុមមន្ត្រីជំនាញ សាខាកាំកុងត្រូលខេត្តកណ្ដាលបានរកឃើញកំណកសារធាតុថ្នាំពុលកសិកម្មមានផ្ទុកនៅក្នុងបន្លែទាំងនោះ ដែលអាចបង្កផលប៉ះពាល់ដល់សុខភាព និងអាយុជីវិតរបស់អ្នកបរិភោគ។
សេចក្ដីសម្រេចនេះបានឲ្យដឹងថា ក្នុងបន្លែទាំង ៦ មុខនោះរួមមាន ស្ពៃបូកគោ ផ្កាខាត់ណា ពោតបារាំង ក្រូចឆ្មារតូច (សម្រាប់ធ្វើតែជ្រក់) ផ្លែល្ពៅ និងផ្កាគូឆាយ ក្រោយពីរកឃើញមានសារធាតុពុលនៃថ្នាំសម្លាប់សត្វល្អិត សមត្ថកិច្ចយើងបានរឹបអូសមកបំផ្លាញចោល៕
