អ្នកគាំទ្រប្រមូលផ្តុំ ប្រឆាំងនឹងការចាប់ខ្លួនលោក កឹម សុខា
សារព័ត៌មាន Cambodia News/
ភ្នំពេញ (១៤ មិថុនា ២០១៦) ៖ នៅព្រឹកថ្ងៃទី១៤ មិថុនា នេះ អ្នកគាំទ្រគណបក្សសង្រ្គោះជាតិប្រមាណជាង៦០០នាក់ កំពុងប្រមូលផ្តុំគ្នានៅទីស្នាក់ការគណបក្សនៅសង្កាត់ចាក់អង្រែលើ ដោយពួកគេអះអាងថាដើម្បីប្រឆាំងនឹងការចាប់ខ្លួនលោក កឹម សុខា។
សមត្ថកិច្ចរាប់រយនាក់ នៅព្រឹកថ្ងៃអង្គារនេះ បានប្រមូលផ្តុំនៅសង្កាត់ចាក់អង្រែក្រោមនិងរនាំងដែកមួយចំនួនត្រូវបានដាក់ត្រៀមនៅចិញ្ចើមផ្លូវតាមបណ្តោយផ្លូវជាតិលេខ២។
គួរបញ្ជាក់ថា កាលពីថ្ងៃទី១៣ មិថុនា ម្សិលមិញ សម្តេចតេជោ ហ៊ុន សែន បានព្រមានថានឹងមិនអត់ឱនឲ្យ ប្រសិនបើមានបាតុកម្មរបស់គណបក្សសង្រ្គោះជាតិ។ គណបក្សសង្រ្គោះជាតិព្រមានធ្វើបាតុកម្មអហិង្សាមួយប្រសិនបើមានការចាប់ខ្លួន លោក កឹម សុខា៕
