ខាត់ សុឃីម ផ្ទុះជម្លោះជាមួយម្ចាស់ កំពង់ចម្លង ព្រែកលៀប
សារព័ត៌មាន Cambodia News/
ភ្នំពេញ(២៣ មីនា ២០១៥) ៖ តារាចម្រៀង ខាត់ សុខឃីម បានផ្ទុះជម្លោះ ជាមួយនឹងម្ចាស់ កំពង់ចម្លងព្រែកលៀប ក្រោយពីម្ចាស់ កំពង់ចម្លងនេះ ទារថ្លៃ១០០ដុល្លារសម្រាប់ការចម្លងរថយន្តដឹកឆាកតម្ត្រីរបស់ នាង ចេញពីភ្នំពេញ ទៅសម្តែង នៅកោះដាច់ ដោយតម្លៃធម្មតាគឺត្រឹមតែ ៤៥០០០រៀលប៉ុណ្ណោះ។
ដោយហួសចិត្តតម្លៃនេះ តារាចម្រៀងរូបនេះបានសរសេរសារមួយ បង្ហោះលើបណ្តាញទំនាក់ទំនងសង្គម Facebook របស់ខ្លួនថា «មានរឿងមួយខ្មុំមិនចង់ ឲ្យបងប្អូនដឹងទេ…តែគួរតែដឹងព្រោះ នេះជារឿងពិតកើតឡើង ចំពោះក្រុមខ្ញុំត្រូវមកសំដែង នៅកោះដាច់ហើយចេញចូលចេញចូល ចង់អស់ប្រហែល៨០សិបម៉ឺនហើយ ព្រោះឡានច្រើនត្រូវពឹង លើកំពង់ដរមួយនេះ តែគាត់អាងតែខ្ញុំគ្មាន ជម្រើសគាត់ថ្លៃឡាន 2.5 តោនរបស់ខ្ញុំគាត់ ទា100$ក្នុង1ជើង… តើគាត់មើលមកពួកខ្ញុំ ជាសាច់ជ្រូក3ជាន់ ចឹងមិត្តទាំងអស់គ្នាខ្ញុំមិនរីសថាំទេ ខ្ញុំទៅសំដែងនៅដាច់នឹង ជាអ្នកស្រុកភូមិគាត់ដែរតើ? ម៉េចបានជាគាត់ធ្វើឈ្លើយទៀត»។
បន្ទាប់ពីគ្មានជម្រើស ខាត់ សុឃីម ក៏សម្រេចចិត្ត បកក្រោយទៅរកកំពង់ដរផ្សេង គឺកំពង់ដរក្តីចាស់ ដោយកំពង់ដរនោះគេយកថ្លៃពីនាង ត្រឹមតែ ១ម៉ឺនរឿលប៉ុណ្ណោះ។
លើសពីនេះ តារាចម្រៀងខាត់ សុឃីម បានឲ្យដឹងទៀតថា ម្ចាស់កំពង់ដរព្រែកលៀប នោះមិនត្រឹមតែទារលុយថ្លៃពីនាងទេ សូម្បីតែ អ្នកច្រៀងរបស់គាត់ពីរនាក់ ដែលត្រូវមកច្រៀង នៅកោះដាច់ដែរនោះ ក៏ត្រូវម្ចាស់ដរមិនចម្លងឲ្យទៅច្រៀងដែរ៕
