ស្រវឹងខ្លាំង យកកូនអ្នកដទៃអាយុជាង៣ខែ បោះចោលលើដីបណ្តាលឲ្យរងរបួសធ្ងន់
សារព័ត៌មាន Cambodia News/
កណ្តាល (១៣ សីហា ២០១៩) ៖ បុរសម្នាក់ស្រវឹងខ្លាំងពេក បានយកកូនអ្នកដទៃ អាយុជាង៣ខែ បោះចោលលើដីភក់ បណ្តាលឲ្យរងរបួសធ្ងន់ កាលពីវេលាម៉ោង៧យប់ ថ្ងៃទី១២ ខែសីហា នៅចំណុចភូមិសៀមរាប ឃុំសៀមរាប ស្រុកកណ្តាលស្ទឹង ខេត្តកណ្តាលត្រូវ ក្រោយកើតហេតុកុមាររងគ្រោះត្រូវបានបញ្ជូនទៅមន្ទីរពេទ្យគន្ធបុប្ផាជាបន្ទាន់ ។
សមត្ថកិច្ច បញ្ជាក់ប្រាប់ថា ជនរងគ្រោះឈ្មោះ យីម ឡៃធី ភេទប្រុស អាយុ ៣ខែកន្លះ ចំណែកជនសង្ស័យជាមនុស្សស្រវឹងស្រា និងបែកថ្នាំញៀនផងនោះមានឈ្មោះ រិ រ៉ាត់ ភេទប្រុស អាយុ២៧ឆ្នាំ បានយកក្មេងរងគ្រោះពីក្នុងអង្រឹងក្រោមសំយ៉ាបផ្ទះបោះទៅលើដីភក់ ។
ក្រោយកើតហេតុ ឪពុកក្មេងរងគ្រោះបានដាក់ពាក្យបណ្តឹង ទើបកម្លាំងសមត្ថកិច្ចប៉ុស្តិ៍បានឃាត់ខ្លួនជនសង្ស័យបញ្ជូនមកអធិការដ្ឋាននគរបាលស្រុកកណ្តាលស្ទឹង ដើម្បីនីតិវិធី ។ គ្រឿងស្រវឹងនិងគ្រឿងញៀន ជាសារធាតុញៀនយ៉ាងសាហាវ ធ្វើអោយបាត់បង់មនសិការជាមនុស្ស បាន សូមជៀសវាងទាំងអស់គ្នា ៕
