សាលារាជធានីស្នើសុំគោលការណ៍បំបែកសង្កាត់
សារព័ត៌មាន Cambodia News/
ភ្នំពេញ (០៩ វិច្ចិការ ២០១៥) ៖ អភិបាលរាជធានីភ្នំពេញ លោកប៉ា សុជាតិវង្ស បានដាក់សំណើទៅកាន់ក្រសួងមហាផ្ទៃ ដោយស្នើសុំគោលការណ៍បង្កើត និងកែសម្រួលព្រំប្រទល់ភូមិ បង្កើតរដ្ឋបាលសង្កាត់ថ្មី កែសម្រួលព្រំប្រទល់រដ្ឋបាលខណ្ឌ និងកែសម្រួលព្រំប្រទល់រដ្ឋបាលរវាងក្រុងភ្នំពេញ និងខេត្តកណ្តាល។
លិខិតរបស់ប៉ា សុជាតិ វង្ស ដាក់ជូនទៅលោកស ខេង រដ្ឋមន្ត្រីក្រសួងមហាផ្ទៃ បានឲ្យដឹងថា ដោយសារតែស្ថាន ភាពជាក់ស្តែង នៅតាមភូមិ-សង្កាត់មួយចំនួនមានប្រជាជនច្រើនលើសលប់ ហើយព្រំប្រទល់រវាងខណ្ឌមួយចំនួនក៏មិនទាន់បានកំណត់ច្បាស់ និងបញ្ហាផ្សេងៗទៀត។
សូមជម្រាបថា បច្ចុប្បន្នរាជធានីភ្នំពេញមានផ្ទៃក្រឡារហូតដល់ជាង៦៧៨គីឡូម៉ែត្រក្រឡា ដោយត្រូវបែងចែកជាង១២ខណ្ឌ ៩៦សង្កាត់ និង៨៩៧ភូមិ ហើយមានប្រជាពលរដ្ឋរស់នៅសរុបជាង២លាននាក់ និងអ្នករស់នៅបណ្តុះអាសន្នជាង៣ម៉ឺននាក់៕
