គ.ជ.ប ចាប់ផ្តើមចុះឈ្មោះបោះឆ្នោតសម្រាប់ការបោះឆ្នោតជ្រើសរើសក្រុមប្រឹក្សា
សារព័ត៌មាន Cambodia News
គណៈកម្មាធិការជាតិរៀបចំការបោះឆ្នោត (គ.ជ.ប) បានចាប់ផ្តើមដំណើរការចុះឈ្មោះបោះឆ្នោត សម្រាប់ការបោះឆ្នោតជ្រើសរើសក្រុមប្រឹក្សា អាណត្តិទី៣ ហើយការិយាល័យចុះឈ្មោះបោះឆ្នោតចំនួន ១,៦៤៦ នៅទូទាំងប្រទេសត្រូវបានបើកព្រមៗគ្នាក្នុងថ្ងៃតែមួយនេះដែរ។ នេះបើតាមសេចក្តីប្រកាសព័ត៍មានរបស់គ.ជ.ប ដែលបានផ្សព្វផ្សាយនៅថ្ងៃទី០៤ ខែមីនា ឆ្នាំ២០១៩។
ការចុះឈ្មោះនេះ បានចាប់ផ្តល់ដំណើរការនៅថ្ងៃទី០៤ ខែមីនា ឆ្នាំ២០១៩ ដល់ថ្ងៃទី១៩ ខែមីនា ឆ្នាំ២០១៩ (មានរយៈពេល ១៣ថ្ងៃ ដោយមិនរាប់ថ្ងៃអាទិត្យ និងថ្ងៃបុណ្យផ្លូវការ)។
គ.ជ.ប បានបញ្ជាក់ថា អ្នកបោះឆ្នោតសម្រាប់ការបោះឆ្នោតជ្រើសរើសក្រុមប្រឹក្សានេះ គឺជាសមាជិកក្រុមប្រឹក្សាឃុំ សង្កាត់នៅក្នុងមុខតំណែង ដែលមានសមាជិក សរុបចំនួន ១១,៥៧២ នាក់ ទូទាំងប្រទេស ។ ការចុះឈ្មោះបោះឆ្នោតជ្រើសរើសក្រុមប្រឹក្សា ត្រូវអនុវត្តតាមរបៀបស្រង់ឈ្មោះអ្នកមានសិទ្ធិបោះឆ្នោតបញ្ចូលទៅក្នុងបញ្ជីបោះឆ្នោត និងបញ្ជូនតាមលំដាប់ឋានានុក្រមមក គ.ជ.ប ឱ្យបានតាមកាលបរិច្ឆេទកំណត់៕
