អ្នកនាងខ្ញុង ៖ ប្រសិនបើខ្ញុំគ្រាន់តែនិយាយប៉ុណ្ណឹងគេដកខ្ញុំចេញពីសិល្បៈខ្ញុំសុខចិត្តដើរចេញ
សារព័ត៌មាន Cambodia News/
ភ្នំពេញ (២៧ វិច្ឆិកា ២០១៨) ៖ បន្ទាប់ពីមានការភ្ញាក់ផ្អើលខ្លាំង ជាមួយនឹងវីដេអូ ដែលបានបង្ហោះចេញ ពីគណនីហ្វេសប៊ុក ផ្លូវការ របស់តារាកំប្លែង អ្នកនាង ខ្ញុង នោះ ឃើញថាមានការស៊ែរ យ៉ាងច្រើន ពីបណ្ដាអ្នកប្រើប្រាស់បណ្តាញសង្គមហ្វេសប៊ុក កាលពីប៉ុន្មានថ្ងៃ មុននេះ។
បើងាកទៅមើលការComment ក្នុងវីដេអូនោះវិញ មានទស្សនិកជន ជាច្រើនចង់ឲ្យ ខ្ញុងនិយាយរឿងវីដេអូ ដែលនាង បានបង្ហោះកាលពីប៉ុន្មានថ្ងៃមុននេះ ក្រោយពីមានការគាំទ្រ និងរិះគន់ស្របគ្នា ពីសំណាក់អ្នកប្រើប្រាស់ប្រព័ន្ធផ្សព្វផ្សាយផ្សេងៗ។
ពាក់ព័ន្ធនូវបញ្ហាទាំងអស់នេះ អ្នកនាង ខ្ញុង រួមទាំង ស្វាមី របស់ខ្លួន មិនបាននិយាយអ្វី ច្រើនទេ ដោយតារាកំប្លែងរូបនេះ ឆ្លើយតបយ៉ាងខ្លីថា «ប្រសិនបើ ខ្ញុំ គ្រាន់តែនិយាយប៉ុណ្ណឹង គេដកខ្ញុំចេញពីសិល្បៈមែន ខ្ញុំសុខចិត្តដើរចេញ » ទាំងនេះគឺជាពាក្យដែលនាង បាននិយាយកាលពីព្រឹកមិញ៕
