សម្ដេចតេជោ បញ្ជាក់ពីមូលហេតុមិនមានការផ្លាស់ប្តូររដ្ឋមន្រ្តី
សារព័ត៌មាន Cambodia News/
រាជធានីភ្នំពេញ (៧ កញ្ញា ២០១៨) ៖ ប្រមុខរាជរដ្ឋាភិបាលកម្ពុជា សម្ដេចតេជា ហ៊ុន សែន កាលពីព្រឹកនេះបានបញ្ជាក់ថា ការមិនផ្លាស់ប្ដូររដ្ឋមន្រ្តីតាមក្រសួងទាំងអស់ ដោយសារសម្ដេចផ្ដោតសំខាន់លើខ្លឹមសារ និងប្រសិទ្ធភាពការងារ មិនមែនរដ្ឋមន្រ្តីក្មេង ឬចាស់នោះទេ។ ការបញ្ជាក់របស់សម្ដេចបែបនេះធ្វើឡើងក្នុងកិច្ចប្រជុំគណៈរដ្ឋមន្រ្តីអាណត្តិទី៦ លើកដំបូង នៅថ្ងៃទី៧ ខែកញ្ញា ២០១៨នេះ។
សម្ដេច ហ៊ុន សែន បានបញ្ជាក់ទៀតថា ការមិនផ្លាស់ប្ដូរនេះ ដោយសារបក្សនយោបាយមួយ មិនអាចធ្វើការផ្លាស់ប្ដូររដ្ឋមន្រ្តីចាស់ៗដែលខិតខំធ្វើការនោះទេ ព្រោះវាជាការធ្វើឯកោភាព និងជារឿងអគុណធម៌។ សម្ដេច ហ៊ុន សែន បញ្ជាក់ថា “ខ្ញុំមិនមែនចង់ឈ្នះត្រឹមមួយសមរភូមិនោះទេ ខ្ញុំចង់ឈ្នះសង្រ្គាមជារៀងរហូត”៕
