សម្តេចតេជោ ហ៊ុន សែន ៖ ក្រសួងអប់រំ ត្រូវប្រកាសឲ្យ សិស្សនិស្សិត ឈប់ សម្រាក៣ថ្ងៃ ដើម្បីទៅបោះឆ្នោត

សារព័ត៌មាន​ Cambodia News/

ភ្នំ​ពេញ ៖ សម្តេចតេជោ ហ៊ុន សែន បានថ្លែងក្នុងឱកាសអញ្ជើញផ្តល់កិត្តិយស ប្រគល់សញ្ញាបត្រដល់ និស្សិតសាកលវិទ្យាល័យភូមិន្ទភ្នំពេញ​  នៅថ្ងៃទី២២ ខែមិថុនា  នេះ ថា  ក្រសួង សួងអប់រំ គួរតែត្រូវប្រកាសបញ្ជាក់ ជូនដំណឹងទៅដល់ គ្រឹះស្ថានឧត្តម សិក្សានានា  ដើម្បីឲ្យសិស្សនិស្សិត ទទួលបាននូវការឈប់ សម្រាករយៈពេល៣ ថ្ងៃដើម្បី មានពេលវេលាគ្រប់គ្រាន់ ទៅចូលរួមការបោះឆ្នោត។

សម្តេចតេជោ បាន​បញ្ជាក់ថា សម្រាប់​ថ្ងៃ សៅរ៍ និងថ្ងៃអាទិត្យ ​សម្រាកហើយ​ ឯថ្ងៃច័ន្ទគឺជាថ្ងៃរៀន​​ ​ប្រសិនទៅបោះឆ្នោត នៅតាមខេត្ត ចុះឈ្មោះនៅតាមខេត្ត គឺមិនអាច មកវិញទាន់ទេ ។ ដូច្នេះ​នៅ​ថ្ងៃទី៣០ដែលថ្ងៃចូលរៀន ក៏ឲ្យសម្រាកដែរ ដើម្បីឲ្យនិស្សិតរបស់យើង បានទទួលនូវការឈប់ សម្រាកឲ្យធ្វើដំណើរទៅពោះឆ្នោតជ្រើសតាំងតំណាងរាស្រ្ត អាណតិ្តទី៦ ដែលនឹងប្រព្រឹត្តទៅនៅថ្ងៃទី២៩ខែកក្កដា ឆ្នាំ២០១៨នាពេលខាងមុខនេះ។

​សម្ដេចក៏បានអំពាវនាវ ដល់ម្ចាស់ក្រុមហ៊ុនរថយន្តក្រុង និងរថយន្តឈ្នួល ទាំងអស់មិនត្រូវដំឡើងថ្លៃឈ្នួល​រថយន្តក្នុងពេលពលរដ្ឋនិងសិស្សនិស្សិត ធ្វើដំណើរទៅ តាមបណ្ដាខេត្តដើម្បីចូលរួមបោះឆ្នោត នៅចុងខែកក្កដាខាងមុខ៕

​