ព្រះអនុជអតីតព្រះមហាក្សត្រមួយអង្គបានចូលទិវង្គត
ភ្នំពេញ៖ តាមសេចក្ដីរាយការណ៍នានា បានឲ្យដឹងថា ព្រះអង្គម្ចាស់ក្សត្រី នរោត្តម វិជ្ជរ៉ា បានយាងចូលទិវង្គតនៅប្រទេសបារាំង ក្នុងព្រះជន្មាយុ ៦៨ព្រះវស្សាដោយរោគាពាធ កាលពីម៉ោង៩យប់ ថ្ងៃទី២៨ ខែកក្កដា ឆ្នាំ២០១៣។
ព្រះអង្គម្ចាស់ក្សត្រី នរោត្តម វិជ្ជរ៉ា គឺជាព្រះរាម សម្ដេច នរោត្តម សេរីវុធ និងជាព្រះអនុជរបស់ព្រះបាទនរោត្តម សីហនុ ។ ព្រះអង្គជា រាជវង្សមួយអង្គមានព្រះនាមល្បី ថាជាអ្នកនយោបាយស្នេហាជាតិ មាតុភូមិ នៅពេលព្រះអង្គជាអ្នកតំណាងរាស្ត្រគណបក្សហ៊្វុនស៊ិនប៉ិច កាលពីអាណត្តិទីមួយ និងទីពីរ។
ព្រះអង្គបានមានសកម្មភាពជាច្រើន ក្នុងការការពារជាតិកម្ពុជា ពីការប៉ុនប៉ងឈ្លានពានរបស់ប្រទេសជិតខាង។ បើទោះជាយ៉ាងណា ខុទ្ទកាល័យព្រះបរមរាជវាំង មិនទាន់ចេញព្រះរាជសារប្រកាសធ្វើពិធីបុណ្យជាផ្លូវការ នៅឡើយទេ៕ Cambodia News