ស្រឹវឹងស្រាដើរឆ្លងផ្លូវដែកត្រូវរថភ្លើងកិនស្លាប់
សារព័ត៌មាន Cambodia News/
ភ្នំពេញ (០៤ សីហា ២០១៧) ៖ បុរសម្នាក់ពេលស្រឹវឹងស្រាបានដើរឆ្លងផ្លូវដែកតែត្រូវរថភ្លើងបានបញ្ចប់ជីវិតដោយបុកនិងកិនខ្ទេចខ្លួនបណ្តាលឲ្យស្លាប់ភ្លាម។ហេតុការណ៍បានកើតឡើងនៅម្តុំក្រោយសាលាតិចណូក្នុងសង្កាត់បឹងកក់ទី២ខណ្ឌទួលគោករាជធានីភ្នំពេញកាលពីយប់ថ្ងៃទី៣ ខែសីហា ឆ្នាំ២០១៧។
ប្រភពព័ត៌មានបានឲ្យដឹងមុនកើតហេតុមានបុរសវ័យជិត៣០ឆ្នាំបានផឹកស្រាស្រឹវឹងហើយក៏ដើរចេញពីផឹករួចដើរទៅផ្ទះឆ្លងផ្លូវដែកតែត្រូវរថភ្លើងមកដល់បានបុកនិងកិនខ្ទេចខ្លួនបណ្តាលឲ្យស្លាប់ភ្លាម។បុរសរងគ្រោះដែលស្លាប់មានអាយុជិត៣០ឆ្នាំស្នាក់នៅជិតកន្លែងកើតហេតុ។ក្រោយកើតហេតុអ្នកស្លាប់ត្រូវបានក្រុមគ្រួសារយកទៅធ្វើបុណ្យតាមប្រពៃណី៕
